Nei, fyrst þarf að kanna hvort öll skilyrði eru uppfyllt en þau eru:

• Að annað hjónaefna sé ekki afkomandi hins og að hjónaefnin séu ekki systkini. Það sama á við um kjörforeldri og kjörbarn nema ættleiðing hafi verið felld niður.

• Meginregla er að hjónaefni þurfa að hafa náð 18 ára aldri.

• Hjónaefni þurfa að vera lögráða.

• Fyrri hjúskap þarf að hafa verið lokið með formlegum hætti, með lögskilnaði hafi hjónaefni verið gift áður. Hjón sem eru skilin að borði og sæng geta ekki gengið í hjónaband að nýju fyrr en við lögskilnað.

Fylla þarf út hjónavígsluskýrslu og skila ásamt fylgigögnum. 

Uppfylli hjónaefni skilyrðin er gefið út könnunarvottorð með áritun á hjónavígsluna. Könnunarvottorð kostar 4800 krónur.

Hjónavígsla þarf að fara fram innan 30 daga frá útgáfu könnunarvottorðs.

Hér má finna allar nánari upplýsingar um hjónaband.