Á þjónustuvefnum Ísland.is auðkennir fólk sig með rafrænum skilríkjum og þeir sem eiga rétt á Loftbrú fá yfirlit yfir réttindi sín. Þeir sem vilja nýta afsláttinn sækja á sömu síðu sérstakan afsláttarkóða sem notaður er á bókunarsíðum flugfélaga þegar flug í áætlunarflugi er pantað.
Afslátturinn er reiknaður af heildarfargjaldi, þ.e. flugfargjaldi, flugvallargjaldi sem og öðrum gjöldum sem flugfélög inna af hendi.
Flugfélög bera ábyrgð á framboði og verðlagningu flugfargjalda.
Þeir sem ekki hafa aðgang að rafrænum skilríkjum geta sótt um afsláttarkóða hjá Vegagerðinni. Afgreiðsla afsláttarkóða tekur 2 – 14 daga og fer afgreiðslutími eftir afhendingarmáta. Sé sjálfsafgreiðsla ekki notuð er sótt um kóða með eftirfarandi hætti:
Gegnum ábendingarkerfi Vegagerðarinnar á www.vegagerdin.is
Með umsóknareyðublaði sem sent er með bréfpósti til Vegagerðarinnar. Eyðublaðið má finna á heimasíðu Vegagerðarinnar.
Þjónustuaðili
Vegagerðin