Upplýsingar um starfshlutfall sjálfstætt starfandi heilbrigðisstarfsmanns og launþega einkarekstrar eru skráðar í gagnagátt þess heilbrigðisstarfsmanns sem skráður er sem ábyrgðarmaður rekstrar í rekstraraðilaskrá embættis landlæknis. Viðkomandi þarf að skrá sig inn á gagnagátt á eigin kennitölu, sjá gg.sjukra.is. Velja þarf Sjúklingatrygging í valstikunni vinstra megin. Ástæða þess að ábyrgðarmaður rekstrar sér um skráninguna er sú að sjúklingatrygging er forsenda þess að rekstrarleyfi sé í gildi.