TR vinnur með persónuupplýsingar einstaklinga sem fást frá myndavélum, hljóðritun, upplýsingum frá umsækjendum sjálfum og við öflun upplýsinga frá öðrum aðilum, sem heimild er fyrir í lögum.
Tryggingastofnun viðhefur rafræna vöktun á grundvelli lögmætra hagsmuna stofnunarinnar og til að tryggja öryggi starfsfólks og viðskiptavina.
Vöktun með öryggismyndavélum er viðhöfð allan sólarhringinn. Símtöl eru hljóðrituð. Tryggingastofnun er ábyrgðaraðili vöktunarinnar og tryggir öryggi persónuupplýsinga þeirra sem vöktun sæta. TR er umhugað að allir sem sæti vöktun séu þess varir og því gerir TR grein fyrir vöktun með skýrum hætti.
Vöktunin fer einungis fram í skýrum, málefnalegum og lögmætum tilgangi. Við vöktun gætir TR þess sérstaklega að gæta meðalhófs og ganga ekki lengra en þörf krefur til þess að virða einkalífsrétt þeirra er vöktun beinist að.
Ákveðnir verkferlar eru um hlustun á hljóðritun og skoðun myndefnis úr öryggismyndavélum. Slíkt er einungis skoðað af þeim sem hafa skýra heimild til þess, sé tilefni til.
TR birtir aldrei né miðlar efni opinberlega.
Sá sem sætt hefur rafrænni vöktun á rétt á að skoða hljóð- eða myndbandsupptökur sem til verða um hann við vöktunina. Skal heimila skoðun jafn fljótt og auðið er og eigi síðar en innan eins mánaðar frá móttöku slíkrar beiðni.
Þetta á þó ekki við ef réttur þess sem sætt hefur vöktuninni til að fá að skoða gögnin þykir eiga að víkja að nokkru eða öllu fyrir hagsmunum annarra en hans eigin.
Ef óljóst er hvort verða á við beiðni um skoðun eða hlustun er efni sent til lögreglu eða Persónuverndar til skoðunar.
TR miðlar ekki persónupplýsingum sem verða til við rafræna vöktun nema með skýru samþykki viðkomandi eða ef mælt er fyrir um miðlun upplýsinganna í lögum.
TR er skylt að afhenda lögreglu efni sem verður til við rafræna vöktun ef upplýsingar varða slys eða meintan refsiverðan verknað.
TR kann að miðla upplýsingum ef þær eru nauðsynlegar einum eða fleiri hinna skráðu til að krafa verði afmörkuð, sett fram eða varin vegna dómsmáls eða annarra slíkra laganauðsynja, t.d. þegar tryggingafélag tekur afstöðu til bótaskyldu.
TR kann einnig að miðla upplýsingum ef ákvörðun Persónuverndar um miðlun upplýsinganna liggur fyrir.
Upplýsingar sem verða til við rafræna vöktun hvort sem er mynd eða hljóð verða varðveittar í 30 daga skv. 11. gr. reglna nr. 50/2023 um rafræna vöktun.
Tryggingastofnun eyðir upptökum að þeim tíma liðnum. Þetta á ekki við um upptökur sem hafa verið sendar lögreglu vegna slysa eða refsiverðra mála, upptökur vegna sönnunar krafna í dómsmálum eða annarra slíkra laganauðsynja eða að Persónuvernd heimili sérstaklega eða mæli fyrir um lengri varðveislutíma.
Hægt er að hafa samband við persónuverndarfulltrúa Tryggingastofnunar varðandi rafræna vöktun TR á personuvernd@tr.is.
Eitt af hlutverkum TR er að standa vörð um velferðarkerfið. Stofnunin hefur því á að skipa eftirliti sem sannreynir réttmæti greiðslna.
Við eftirlit er farið yfir ýmsar persónulegar upplýsingar um umsækjanda eða greiðsluþega. Gagna er aðallega aflað frá umsækjanda sjálfum en TR sækir einnig upplýsingar til annarra aðila sem heimild er fyrir í lögum.
Réttindi til ýmissa greiðslna byggjast á búsetu á Íslandi. Þegar verið er að kanna búsetu eru ýmis gögn könnuð sem geta gefið vísbendingu um hvar viðkomandi aðili býr. Ef skýring frá viðkomandi telst eðlileg er málinu lokið og ekkert er frekar aðhafst.
nafn,
kennitölu,
heimilisfang,
netfang,
símanúmer,
hjúskaparstöðu,
fjölskylduhagi
og samskiptasögu.
bankareikningsnúmer
tekjuupplýsingar
skattskil
reiknað endurgjald
Um heimsóknir á heimasíðu og á mínar síður Tryggingastofnunar, s.s. tölvuauðkenni (IP-tölur) og vefmælingar.
Eins og fram hefur komið eru ýmis gögn könnuð þegar verið er að kanna búsetu og meðal annars. IP tala sem getur gefið vísbendingu um hvar viðkomandi aðili býr.
IP tölur eru skoðaðar í ljósi annarra gagna sem fyrir liggja í hverju máli fyrir sig og eru því ekki eina gagn máls.
Ef skýring frá viðkomandi telst eðlileg er málinu lokið og ekkert er frekar aðhafst.
Tryggingastofnun aflar upplýsinga frá:
einstaklingunum sjálfum,
einkaaðilum,
opinberum stofnunum,
Ríkisskattstjóra,
Vinnumálastofnun,
Útlendingastofnun,
menntastofnunum,
sveitarfélögum,
Sjúkratryggingum Íslands,
tollyfirvöldum,
Þjóðskrá Íslands og fleiri.
Sækja þarf um allar greiðslur til TR og byggjast greiðslur á að umsækjandi uppfylli tiltekin skilyrði. Í umsókn þarf að veita nauðsynlegar upplýsingar til þess að hægt sé að ákvarða hvort réttur til greiðslu sé fyrir hendi.
Umsækjanda eða greiðsluþega er skylt að taka þátt í meðferð máls vegna eftirlits með því að veita upplýsingar sem óskað er eftir og nauðsynlegar eru.
Greiðsluþega er skylt að tilkynna TR um breytingar á tekjum og ef breytingar verða á högum, til dæmis:
þegar sambúð hefst,
við sambúðarslit,
hjúskaparstofnun,
hjúskaparslit
og flutning lögheimilis.
TR getur kallað umsækjanda eða greiðsluþega í viðtal til þess að fá nánari upplýsingar. Ef TR getur ekki afgreitt mál vegna skorts á nauðsynlegum upplýsingum kemur ekki til greiðslna fyrr en úr því er bætt.
Komi fram rökstuddur grunur um að greitt sé á grundvelli rangra eða villandi upplýsinga getur TR frestað greiðslum tímabundið á meðan málið er kannað. Við rannsókn mála er stofnuninni heimilt að afla upplýsinga frá þriðja aðila eins og til dæmis leikskóla eða vinnuveitanda.
Þegar greitt er umfram réttindi er ofgreiðslan almennt dregin frá greiðslum sem viðkomandi síðar kann að öðlast rétt á eða viðkomandi krafinn endurgreiðslu með öðrum hætti.
Vangreiðslur eru greiddar viðkomandi.
Að 12 mánuðum liðnum eru vextir almennt lagðir á kröfur og inneignir greiddar með 5,5% ársvöxtum, sbr. 55. gr. laga um almannatryggingar nr. 100/2007.
Reynist móttakandi greiðslna uppvís að svikum eru greiðslur stöðvaðar og er TR heimilt að krefjast endurgreiðslu á ofgreiðslu með 15% álagi, sbr. 45. gr. laga um almannatryggingar nr. 100/2007.
