Sjálfsvígsforvarnir

Hvar er hjálp að fá?

Það er mikilvægt að leita aðstoðar ef sjálfsvígshugsanir gera vart við sig. Margir upplifa sjálfsvígshugsanir á einhverjum tímapunkti á lífsleiðinni. Gott er að vita að slíkar hugsanir eru venjulega tímabundnar. Hjá embætti landlæknis er unnið að sjálfsvígsforvörnum en þar er engin heilbrigðisþjónusta veitt.

Yfirlit yfir úrræði

Upplýsingamiðstöð Heilsugæslunnar - sími 1700
Netspjall Heilsuveru
Hjálparsími Rauði krossins 1717 - sími 1717
Netspjall 1717.is
Píeta samtökin - sími 552 2218
Heilsugæslustöðvar um allt land
Bráðamóttaka geðþjónustu Landspítala við Hringbraut - sími 543 1000
Bráðamóttaka geðsviðs Sjúkrahússins á Akureyri – sími 463 0202
Í neyð - 1-1-2 - sími 112

Úrræði og aðstoð vegna sjálfsvígshugsana - myndband
Sjalfsvig.is - vefsíða

Stuðningur frá nánasta umhverfi einstaklings getur skipt sköpum. Sem fjölskyldumeðlimur, vinur, nágranni eða samstarfsfélagi getum við öll haft áhrif með því að staldra við og fylgjast með líðan okkar og líðan fólksins í kringum okkur. Ef áhyggjur eru til staðar um það að einhver sé með sjálfsvígshugsanir er gott að vita að það er í lagi að spyrja viðkomandi hreint út hvort hann sé að íhuga sjálfsvíg. Það að spyrja um sjálfsvígshugsanir eykur ekki líkurnar á að viðkomandi taki líf sitt. Það getur hjálpað einstaklingi í vanlíðan að finna að einhver er til staðar til að hlusta og sýna skilning.

-Ef þú heldur að bráð hætta sé á ferð skaltu ekki skilja viðkomandi eftir einan. Leitaðu aðstoðar fagaðila
-Sjalfsvig.is - vefsíða

Ráðleggingar á íslensku (veggspjald) - Þekkir þú einhvern sem gæti verið að íhuga sjálfsvíg?
Ráðleggingar á ensku (veggspjald) - Do you know someone who might be considering suicide?
Ráðleggingar á pólsku (veggspjald) - Czy znasz kogos, ́ kto mysĺi o samobójstwie?

Hvert dýrmætt líf sem við missum í sjálfsvígi er harmleikur sem skilur eftir sig mikla sorg og tómarúm. Fjölskylda, vinir, samstarfsfélagar, heilbrigðisstarfsfólk og allt nánasta umhverfi einstaklingsins verður fyrir langvarandi áhrifum í kjölfarið. Sárar tilfinningar á borð við dofa, afneitun, reiði, ásökun eða sektarkennd getur einkennt sorgina, sem þó getur verið mjög einstaklingsbundin.

Fyrir þau sem misst hafa ástvin í sjálfsvígi er bent á stuðning í sorg hjá Sorgarmiðstöð og hjá Píeta samtökunum. Vefsíðan sjalfsvig.is gæti líka verið gagnleg.