Leyfi til setu í óskiptu búi

Leyfi til setu í óskiptu búi frestar skiptum á eignum og skuldum hins látna milli erfingja og eftirlifandi maki tekur við þeim.  

Leyfið felur í sér að eftirlifandi maki: 

• Ræður einn yfir eignum búsins.

• Ber persónulega ábyrgð á skuldum hins látna

• Þarf ekki samþykki annarra erfingja til að ráðstafa eignum búsins

• Ber að gæta hóflegrar fjárstjórnar.

Athygli er vakin á að eftirlifandi maki getur lýst því yfir við sýslumann innan tveggja mánaða að arfur eða gjöf sem honum hlotnast skuli ekki renna inn í búið.

Eftirlifandi maki getur einungis ráðstafað sínum búshluta með erfðaskrá.

Eftirlifandi maki þarf að skipta búinu áður en hann gengur í hjónaband að nýju.