Leyfi til setu í óskiptu búi

Eftirlifandi maki getur ekki fengið leyfi til setu í óskiptu búi ef hinn látni hefur ákveðið í erfðaskrá að skipti eigi að fara fram eftir andlát hans.

Umsækjandi og hinn látni hafi verið í hjónabandi. Sambúðarmaki sem var í sambúð með hinum látna en ekki í hjónabandi getur ekki sótt um leyfi til setu í óskiptu búi.  

Eftirlifandi maki má ekki vera eini erfingi hins látna heldur þarf hinn látni að hafa átt afkomendur á lífi.

Hjón verða að hafa átt einhverjar hjúskapareignir. Ef hinn látni átti séreignir þurfa skipti á þeim að fara fram áður en hægt er að gefa út leyfið.  Það á ekki við ef það segir í kaupmálanum að séreignir verði hjúskapareignir eftir andlát.  

Ef hinn látni ráðstafaði arfi með erfðaskrá getur þurft að ganga frá skiptum á þeim eignum áður en hægt er að gefa út leyfið.

Ef eftirlifandi maki er sviptur lögræði getur hann ekki fengið leyfi til setu í óskiptu búi nema með samþykki yfirlögráðanda (sýslumanns).   

Eftirlifandi maki verður að hafa forræði á búi sínu. Bú hans má ekki vera til gjaldþrotaskipta.

Skuldir í búi eftirlifandi maka mega ekki vera meiri en eignir.

Eftirlifandi maki verður að vera fær um að sjá um fjármál sín.

Ef þörf er á samþykki frá öðrum erfingjum hins látna þurfa þau að liggja fyrir.

Ef erfingi hefur lagt fram kröfu um opinber skipti á dánarbúi í héraðsdómi  verður leyfi til setu í óskiptu búi ekki gefið út nema héraðsdómur hafni þeirri kröfu.