Vinnueftirlitið stendur fyrir aðgerðavakningunni #Tökum höndum saman: Grípum til aðgerða gegn áreitni og ofbeldi í vinnuumhverfinu. Vinnustaðir eru hvattir til að huga að vinnustaðamenningunni og bregðast við áreitni og ofbeldi komi slík hegðun upp.

Markviss viðbrögð skipta lykilmáli í að uppræta áreitni og ofbeldi í vinnuumhverfinu og fyrirbyggja að hegðunin valdi skaða. Því er mikilvægt að öll á vinnustaðnum séu vel upplýst og hafi gott aðgengi að efni um birtingamyndir áreitni og ofbeldis, forvarnir og leiðir til að bregðast við.

Tvö ný fræðslumyndbönd

Vinnueftirlitið kynnir tvö ný fræðslumyndbönd sem fjalla um kynbundna áreitni og ofbeldi í vinnuumhverfinu.

Myndböndin bætast við flokk fræðslumyndbanda sem stofnunin hefur unnið í samvinnu við aðila vinnumarkaðarsins, embætti landlæknis og Jafnréttisstofu en þau eru:

• Hvað er kynferðisleg áreitni í vinnumhverfinu?

• Forvarnir og viðbrögð við einelti, áreitni og ofbeldi í vinnuumhverfinu

• Hvað er vinnustaðamenning?

• Hvernig eflum við traust á vinnustöðum?

Stjórnendur

Veist þú hvernig þú átt að bregðast við áreitni og ofbeldi ef það kemur upp á vinnustaðnum þínum? Þekkir þú áhrif áreitnis og ofbeldis á þolendur?

Sækja verkfærin

Viðgengst áreitni eða ofbeldi á vinnu­staðnum þínum?

Hefur þú upplifað áreitni eða ofbeldi í vinnuumhverfinu en ert ekki viss? Hefur þú séð aðra verða fyrir áreitni eða ofbeldi en veist ekki hvað þú átt að gera?

Sækja verkfærin

Hvað veist þú um áreitni og ofbeldi í vinnuumhverfinu?

Kannaðu þekkingu þína á áreitni og ofbeldi í vinnuumhverfinu og vertu betur í stakk búin til að bregðast við.

Kannaðu þekkingu þína

Ný myndbönd um kynbundna áreitni og ofbeldi í vinnuumhverfinu

Í myndbandinu er kynbundin áreitni útskýrð og farið yfir hvernig hún getur birst í samskiptum og hegðun í vinnuumhverfinu.

Í myndbandinu er fjallað um ofbeldi í vinnuumhverfinu, bæði líkamlegt og andlegt, og  ólíkar birtingamyndir þess.