Stafrænt Ísland rekur og viðheldur innskráningarþjónustu og umboðskerfi með 24/7 vöktun framkvæmdum af rekstaraðilum okkar. Stafrænt Ísland veitir einnig tæknilega aðstoð til stofnana við innleiðingu á innskráningar- og umboðskerfi.

Umboðskerfið sækir heimildir á rafrænan og öruggan hátt til:

• Þjóðskrár fyrir forsjártengsl. Þjóðskrá ber ábyrgð á því að skráning forsjártengsla sé rétt.

• Skattsins fyrir prókúrutengsl. Skatturinn ber ábyrgð á því að skráning prókúrutengsla sé rétt.

• Stafræns Íslands fyrir umboð sem einstaklingur gefur öðrum. Stafrænt Ísland heldur utan um umboð sem einstaklingar veita öðrum.

• Sýslumanna fyrir persónulega talsmenn fólks með fötlun. Sýslumenn bera ábyrgð á því að skráning persónulegra talsmanna sé rétt.