Heimilisuppbót fyrir lífeyrisþega sem búa einir

Heimilisuppbót er viðbót við lífeyrisgreiðslur. Hún bætist ofan á lífeyri örorku, - endurhæfingar- og ellilífeyrisþega sem búa einir á Íslandi.

Almennt

Þú þarft að vera:

• einhleyp/ur, hvorki í sambúð né hjónabandi,

Þú getur fengið heimilisuppbót ef þú býrð:

• í eigin húsnæði,

• í leiguhúsnæði,

• með börnum undir 18 ára aldri,

• með ungmenni á aldrinum 18 til 25 ára í námi eða starfsþjálfun,

• gift/ur en maki býr á hjúkrunarheimili.

Húsnæðis- og búsetuskilyrði

Heimili þitt verður að hafa eldunar- og salernisaðstöðu til einkanota.

Ef þú deilir eldunar- eða salernisaðstöðu með öðrum telstu ekki búa ein/n.

Þú verður að hafa lögheimili þar sem þú býrð.

Ótilgreint lögheimili

Ef þú býrð á stað, þar sem ekki er hægt að skrá lögheimili, þarftu að skrá lögheimili ótilgreint í Þjóðskrá. Til dæmis ef þú býrð á gistiheimili, í sumarbústað eða álíka stað þar sem ekki er mögulegt að skrá lögheimili.

Opinber aðili á vegum sveitarfélagsins þarf að staðfesta búsetu þína til TR. Til dæmis sveitarstjóri, félagsráðgjafi, læknir eða annar opinber aðili.

Tilkynna breytingar

Mikilvægt er að tilkynna breytingar á búsetu þinni til TR. Til dæmis ef þú flytur, ferð í sambúð eða einhver flytur lögheimilið sitt til þín.