Stafrænt Ísland
Vefþula aðgengileg á Ísland.is
20. júlí 2021
Mikil áhersla er á að Ísland.is vefurinn sé aðgengilegur öllum einstaklingum. Sem liður í því átaki var ákveðið að innleiða vefþulu fyrir allar greinar á vefnum.
Vefþulan er tól sem les upp viðeigandi texta á síðu en slík virkni auðveldar til dæmis sjóndöprum einstaklingum að nálgast upplýsingar á vefnum.
Það var ákveðin tænileg áskorun fólgin í því að innleiða lausnina á Ísland.is vegna þess að vefsíðan byggir á SPA en lausnin er ekki þróuð með það í huga.
Ávinningur þessarar lausnar er fyrst og fremst aukið aðgengi þeirra sem nýta sér svona lausnir eða þurfa á þeim að halda.
Þróunarteymin Parallel ráðgjöf, Kosmos&Kaos og Stefna unnu að verkefninu í samstarfi við Stafrænt Ísland.