Stafrænt Ísland óskar eftir tilboðum óháðra sérfræðiráðgjafa til að styrkja stafræna vegferð hins opinbera. Ríkiskaup stendur fyrir þessu útboði vegna innkaupa á óháðri sérfræðiráðgjöf á sviði upplýsingatækni og stafrænnar umbreytingar í starfsemi hins opinbera.

Stafrænt Ísland óskar eftir tilboðum óháðra sérfræðiráðgjafa til að styrkja stafræna vegferð hins opinbera. Ráðgjafar vinna tímabundið með verkefnastofunni að verkefnum sem snúa að eftirfarandi sérfræðiþjónustu/flokkum:

• Almenn ráðgjöf á sviði upplýsingatækni og stafrænnar vegferðar ásamt verkefnastýringu auk textagerðar, efnisvinnslu og uppsetningu á vef.

• Ráðgjöf á sviði tæknilegrar uppbyggingar, öryggismála, gagnauppbyggingar og tæknireksturs ásamt verkefnastýringu.

Dæmi um framtíðarverkefni eru til dæmis vegvísisvinna með stofnunum og flutningur vefsvæðis á Ísland.is svo eitthvað sé nefnt.

Samið verður við bjóðendur byggt á þekkingu og reynslu nefndra ráðgjafa sem koma til með að sinna ráðgjöf til kaupenda. Þeir sem matið tekur til skulu vera þeir einstaklingar sem sinna ráðgjöfinni. Útboðið er þar af leiðandi sérstaklega aðgengilegt einstaklingum til jafns við stór ráðgjafafyrirtæki.

Æskileg niðurstaða útboðsins er að Stafrænt Ísland hafi aðgang í gegnum rammasamning að óháðum sérfræðiráðgjöfum á sviði upplýsingatæki og stafrænnar umbreytingar í starfsemi ríkisins.

Allar nánari upplýsingar er að finna í rafrænu útboðskerfi Ríkiskaupa, TendSign.

Leiðbeiningar varðandi útboðskerfið má nálgast á heimasíðu Ríkiskaupa.

Nánari upplýsingar má finna á Útboðsvefur.is