Ráðstefnan verður frá kl. 13-17 og með sambærilegu sniði og í fyrra þar sem verkefni verða kynnt í einu rými og dýpri tækniumræða í öðru. 

Meðfylgjandi er skráning á ráðstefnuna en henni verður í "hybrid" þar sem henni verður bæði streymt og boðið upp á takmarkað miðamagn til þátttöku í raunheimum.

Allir eru velkomnir en hvetjum forstöðumenn og starfsmenn stjórnsýslunnar og stofnana sérstaklega til að skrá sig.

Ísland.is/entry

Mikið álag hefur verið á öllum þeim sem koma að móttöku erlendra ferðamanna síðustu vikur nú þegar opnað hefur á ferðalög. Til að draga úr álaginu er búið að setja upp einfaldar og auðskiljanlegar leiðbeiningar á Ísland.is. Markmiðið er að ferðamenn geti sjálfir leyst úr eigin fyrirspurnum með einföldu prófi.

Skoða Ísland.is/entry

Mínar síður - BETA

Mínar síður er staðurinn þar sem opinberar stofnanir koma persónulegum gögnum til fólks og fyrirtækja á öruggan hátt. Mínar síður eru því með öðrum orðum "góði staðurinn" þar sem notendur geta nálgast gögn sín frá hinu opinbera á einum stað.

Skoða Mínar Síður - BETA

Ísland.is app í BETA

Fyrsta útgáfa af Ísland.is appinu er komið í BETA prófanir en það verður gefið formlega út í haust. Í þessari fyrstu útgáfu verður stafræna pósthólfið aðgengilegt, staða umsókna og sem og ökuskírteini. Von er á fleiri skírteinum á borð við skotveiðileyfi svo eitthvað sé nefnt.

Prófanir verða í fullum gangi í allt sumar

Sjúkratryggingar fyrstar

Þeir sem þurfa á sjúkratryggingu að halda geta nú sótt um hana hjá Sjúkratryggingum Íslands í gegnum nýtt umsóknarkerfi Ísland.is.

Skoða umsókn um sjúkratryggingu

Stafræn stefna hins opinbera

Gefin hefur verið út stafræn stefna hins opinbera en hún er vegvísir að því hvernig Íslandi kemst í allra fremstu röð þegar kemur að stafrænni opinberri þjónustu.

Skoða Stafræna stefnu

Verkefnasögur Ísland.is

Á vef Stafræns Íslands eru smátt og smátt að safnast saman verkefnasögur.

Sífellt bætast fleiri við og því áhugaverður staður að kíkja reglulega á fyrir þá sem vilja sjá aðeins undir húddið á þeirri vinnu sem er að eiga sér stað hjá innri og ytri teymum Stafræns Íslands.

Verkefnasögur Stafræns Íslands

Meðal verkefna Stafræns Íslands þessa dagana eru:

• Ísland.is app - BETA prófanir

• Mínar síður - BETA prófanir

• Innskráningarþjónusta - BETA prófanir

• Umsókn um fæðingarorlof - notendaprófanir

• Rafrænar greiðsluáætlanir

• Tilkynning um slys til Sjúkratrygginga Íslands

• Umboðskerfi

• Umsókn um fullnaðarskírteini

• Undirskriftar- og meðmælendalistar rafrænir

• Stafrænn samningur um lögheimili barns

• Vefur fyrir Útlendingastofnun

• Vefur fyrir Sjúkratryggingar Íslands

• Reglugerðarvefur

Kveðja starfsfólk, 
Stafræns Íslands

Fjármála- og efnahagsráðuneytið fer með stefnumótun stjórnvalda um upplýsingatækni.  Á vegum ráðuneytisins er starfrækt verkefnastofa um Stafrænt Ísland sem vinnur að framgangi verkefna þvert á stofnanir ríkis og sveitarfélaga með það að markmið að stórefla stafræna þjónustu.