29. ágúst 2023

Timburbás á Iðnaðarsýningunni í Laugardalshöll

Skógræktin tekur þátt í kynningu á íslensku timbri og timburvinnslu á Iðnaðarsýningunni í Laugardalshöll sem hefst fimmtudaginn 31. ágúst. Básinn tilheyrir svæði Húsnæðis- og mannvirkjastofnunar og ásamt Skógræktinni standa að honum Bændasamtök Íslands, Trétækniráðgjöf slf. Landbúnaðarháskóli Íslands, Garðyrkjuskólinn - FSU, Skógræktarfélag Íslands og IÐAN fræðslusetur.

24. ágúst 2023

Plöntusjúkdómafræðingur óskast

Mógilsá, rannsóknasvið Skógræktarinnar, óskar að ráða til starfa sérfræðing í plöntusjúkdómum til að sinna rannsóknum og vöktun á plöntusjúkdómum, veita upplýsingar og ráðgjöf um slík efni og vinna að öðrum faglegum verkefnum. Umsóknarfrestur er til og með 22. september. Sótt er um á Starfatorgi.

16. ágúst 2023

Efnahagslegt gildi sveppa

Matvæli úr skógum landsins, meðal annars sveppir, hafa ekki einungis áhugavert næringar- og orkugildi. Þau hafa líka fjárhagslegt gildi.

16. ágúst 2023

Fjögurra eininga nám í skógarvistfræði

Páll Sigurðsson, skógfræðingur og skipulagsfulltrúi Skógræktarinnar, kennir á fjögurra eininga áfanga í skógarvistfræði sem Garðyrkjuskólinn á Reykjum – FSU býður upp á í haust. Meginviðfangsefni áfangans er áhrif skóga á umhverfi sitt og áhrif umhverfisþátta á skóga.

15. ágúst 2023

Námskeið um notkun trjáa og runna

Samson Bjarnar Harðarson, lektor í landslagsarkitektúr við LBHÍ, og Jóhanna Bergrúnar Ólafsdóttir, brautarstjóri í skógfræði við LBHÍ, kenna á námskeiði Endurmenntunar LbhÍ sem hefst 21. ágúst þar sem fjallað verður um helstu tegundir trjáa og runna, auk nokkurra fjölærra plantna sem notaðar eru til uppbyggingar grænna svæða s.s. í borgar- & útivistarskógum, skógarjöðrum og skjólbeltum á Íslandi.

15. ágúst 2023

Skógvistfræði í skóglausu landi

Denis Riege, vistfræðingur og stundakennari við LBHÍ, kennir á námskeiði Endurmenntunar LbhÍ í september þar sem þátttakendum verða kynntar nýjustu rannsóknir á sviði skógvistfræði með áherslu á hvernig vistfræðilegir ferlar eins og sjálfsáning, framvinda, samhjálp og samkeppni eru nýtt við nýskógrækt.

15. ágúst 2023

Námskeið um umhverfi, skipulag og lýðheilsu

Umhverfi, skipulag og lýðheilsa er sjö vikna námskeið á vegum Endurmenntunar LbhÍ sem hentar öllum sem hafa áhuga á að efla sig á sviði umhverfis- og skipulagsfræða. Það nýtist meðal annars arkitektum, landslagsarkitektum, hönnuðum, starfsfólki á umhverfis- og skipulagssviði sveitarfélaga og öðrum sem vilja endurmennta sig á þessum sviðum og efla þekkingu sína og færni.

14. ágúst 2023

Degli

Pseudotsuga er lítil ættkvísl a.m.k. sex tegunda sígrænna barrtrjáa af þallarætt (Pinaceae). Fjórar tegundir eru í Austur-Asíu, allar sjaldgæfar, og tvær í vestanverðri Norður-Ameríku. Önnur þeirra síðarnefndu hefur nokkuð verið reynd hérlendis og gæti verið framtíðartré í skógrækt á Íslandi með hlýnandi loftslagi.

7. ágúst 2023

Heggur

Heggur er blómstrandi tré af rósaætt og náskyldur kirsuberjatrjám. Í raun má segja að heggur sé beinlínis kirsuberjatré enda ættkvíslarheitið það sama. Gallinn við kirsuberin á heggnum er þó sá að aldinið utan á fræhylkinu eða steininum er mjög lítið. Því eru þessi ber ekki þægileg undir tönn. Þau eru raunar líka beiskari en þau kirsuber sem vinsælust eru til átu enda hefur heggur ekki verið kynbættur með bragðgæði berjanna í huga.

31. júlí 2023

Svartelri

Tegund þessi er sumargrænt lauftré með óvenjulega hæfni til að þrífast í blautum jarðvegi með kyrrstæðu vatni. Þetta segir Þorbergur Hjalti Jónsson, sérfræðingur á rannsóknasviði Skógræktarinnar, í ritgerð um svartelri sem kom út í 36. tölublaði Rits Mógilsár árið 2018 með titlinum Vanmetið fenjatré. Þar kemur fram að svartelri vaxi í votlendi við fljót og með fram ám og lækjum um mestalla Evrópu, frá Skandinavíu til Miðjarðarhafslanda og austur um Litlu-Asíu til Írans en líka á stöku stað í dölum Atlasfjalla í Norður-Afríku, Marokkó, Túnis og Alsír. Vert sé að huga betur að ræktun tegundarinnar hérlendis.