Það hefur verið mikið að gera hjá starfsfólki Fiskistofu við að svara þeim fjölda erinda sem borist hafa vegna strandveiða.

Ekki hefur náðst að svara öllum erindum nú í lok síðasta vinnudags fyrir páskafrí. Villa kom upp í umsóknarkerfinu og hefur valdið því að einhverjar umsóknir eða greiðslur komust ekki í gegn en unnið er að úrbótum. Við biðjum þá aðila sem þetta hefur haft áhrif á að reyna að sækja um aftur yfir páskana og ef umsóknin fer ekki í gegn, senda þá tölvupóst á fiskistofa@fiskistofa.is til að hægt sé að vinna umsókn.

Athugið

• Sækja þarf um fyrir miðnætti þann 22. apríl, þrátt fyrir að skip uppfylli ekki öll skilyrði.

• Að uppfylltum öllum skilyrðum er leyfið gefið út og sent í stafrænt pósthólf útgerðaraðila á Ísland.is.

• Sá aðili sem er meirihluta eigandi í skips, með að lágmarki 50,01 % eignarhald þarf að vera um borð í hverri veiðiferð.

Breytingar á eiganda/útgerð og haffæri

• Breytingar á eiganda/útgerð skips hjá Samgöngustofu uppfærast ekki sjálfkrafa í skipaskrá Fiskistofu

  • Báturinn kemur því ekki upp undir „mín skip“ inná Ísland.is

  • Senda þarf upplýsingar um eigandaskipti / breyting á útgerðaraðild fyrir kl. 12:00 þriðjudaginn 22. apríl svo hægt sé að uppfæra skráningu hjá Fiskistofu.

• Skráning meirihlutaeiganda skips og haffæri uppfærist sjálfkrafa í umsóknarkerfinu eftir að Samgöngustofa og Skatturinn hafa uppfært upplýsingarnar

Við biðjum umsækjendur að sýna þolinmæði og skilning, óskum þess jafnframt að aðilar beini spurningum og erindum á póstfangið fiskistofa@fiskistofa.is þar sem mikið álag á síma tefur fyrir allri afgreiðslu.