Sumarafleysing - sjóeftirlit og gagnaöflun

Fiskistofa leitar að tveimur áreiðanlegum og öflugum einstaklingum til starfa í sjóeftirliti í sumar. Starfið felst eingöngu í verkefnum á sjó og hentar sérstaklega þeim sem hafa reynslu af sjómennsku og eru tilbúnir að vinna í krefjandi og fjölbreyttum aðstæðum. Um er að ræða tímabundin störf frá júní til ágústloka 2025.

• Þátttaka í eftirlitsferðum með fiskiskipum í íslenskri efnahagslögsögu.

• Skráning gagna, lengdarmælingar og kvörnun.

• Samræming við skráningar í afladagbækur og mat á aðstæðum til að leggja til lokanir veiðisvæða.

• Önnur tilfallandi verkefni á vettvangi sjóeftirlits.

• Sjóreynsla er skilyrði.

• Reynsla af vinnu um borð í vinnsluskipum er kostur.

• Góð færni í skráningu og meðhöndlun gagna.

• Góð íslenskukunnátta kostur.

• Góð líkamleg og andleg heilsa; geta til að vinna í lengri sjóferðum.

• Nákvæmni, sjálfstæði og fagmennska í störfum.

• Hreint sakavottorð.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Staðsetning: Starfið verður að mestu á sjó, en starfsstöð verður á Akureyri.

Sótt er um á vef Starfatorg.is.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Ákvörðun um ráðningu byggist á innsendum gögnum og/eða umsögnum

Öllum umsóknum verður svarað um leið og ráðið hefur verið í starfið.