Sótt verður um í gegnum umsóknargátt og gildir reglugerð um strandveiðar ásamt reglugerð um (1.) breytingu á reglugerð um strandveiðar um veiðarnar.

Helstu breytingar

• Umsóknafrestur til að sækja um strandveiðileyfi er til 22. apríl ár hvert, ekki er hægt að sækja um eftir þann tíma.

• Einn einstaklingur þarf að eiga, beint eða óbeint í gegnum lögaðila, meira en 50% eignarhlut í skipi.

• Sá aðili sem á meira en 50% í skipinu þarf að vera lögskráður á skipið og um borð í hverri veiðiferð.

Athugið

• Eignarhald skips ræðst af skráningu í skipaskrá Samgöngustofu.

• Eignarhald lögaðila miðast við skráningu raunverulegs eiganda hjá fyrirtækjaskrá Ríkisskattstjóra.

• Í ljósi þess hversu seint reglugerðin kom út verður hægt að sækja um strandveiðileyfi fyrir þetta strandveiðitímabil þó svo skilyrði um eignarhald og haffæri séu ekki uppfyllt.

• Leyfið verður veitt þegar skilyrði hafa verið uppfyllt.

Mikið álag er á starfsmönnum stofnunarinnar og beinum við því til aðila að senda tölvupóst á fiskistofa@fiskistofa.is vegna erinda er varða strandveiðar.