Reglugerð um breytingu á reglugerð um fjárhagsaðstoð við sjálfviljuga heimför á grundvelli laga um útlendinga, nr. 607/2023.

1. gr.

Eftirfarandi breytingar verða á 1. gr. reglugerðarinnar:

1. Á eftir orðunum "til baka" í 1. málsl. 1. mgr. kemur: dregið kæru sína til baka á kærustigi.
2. Á eftir 1. mgr. kemur ný málsgrein, svohljóðandi:
   Útlendingur á ekki rétt á aðstoð við sjálfviljuga heimför á meðan umsækjandi er með dvalarleyfisumsókn eða umsókn um ríkisborgararétt í vinnslu hjá Útlendingastofnun.

2. gr.

Á eftir 3. mgr. 2. gr. reglugerðarinnar kemur ný málsgrein, svohljóðandi:

Með greiðslu viðbótarstyrks er átt við styrk sem greiðist til viðbótar við enduraðlögunarstyrk og tekur mið af því á hvaða stigi málsmeðferðar ósk um aðstoð við heimför er borin fram. Réttur til greiðslu viðbótarstyrks fellur niður eftir að frestur til heimfarar er liðinn.

3. gr.

Eftirfarandi breytingar verða á 3. gr. reglugerðarinnar:

1. Í stað töflu í 1. mgr. kemur ný tafla, svohljóðandi:

Ríki		Ferða-styrkur	Enduraðlögunarstyrkur	Viðbótarstyrkur, ef sótt er um áður en niðurstaða liggur fyrir á kærustigi, allt að	Viðbótarstyrkur, ef sótt er um eftir að niðurstaða liggur fyrir á kærustigi og áður en frestur til heimfarar er liðinn, allt að
A	Fullorðinn	200 evrur	2.000 evrur	2.000 evrur	500 evrur
	Barn	100 evrur	1.000 evrur	1.000 evrur	500 evrur
	Fylgdarlaust barn	200 evrur	2.000 evrur	1.000 evrur	500 evrur
B	Fullorðinn	200 evrur	1.000 evrur	1.500 evrur	500 evrur
	Barn	100 evrur	500 evrur	1.000 evrur	500 evrur
	Fylgdarlaust barn	200 evrur	2.000 evrur	1.000 evrur	500 evrur
C Undanþegin skyldu til að hafa vegabréfs-áritun	Fullorðinn	X	500 evrur	X	X
	Barn	X	500 evrur	X	X
	Fylgdarlaust barn	X	500 evrur	X	X

2. Í stað orðanna "A eða B" í 2. mgr. kemur: A, B eða C.
3. Á eftir orðunum "í formi reiðufjár" í 3. málsl. 4. mgr. kemur: og í öðrum gjaldmiðli en evrum.

4. gr.

Eftirfarandi breytingar verða á 4. gr. reglugerðarinnar:

1. 1. mgr. orðast svo: Útlendingur sem sótt hefur um alþjóðlega vernd og er staddur hér á landi við gildistöku reglugerðarinnar og fellur undir flokk C í töflu 3. gr. skal fá greidda styrki samkvæmt flokki B.
2. Á eftir 2. mgr. kemur ný málsgrein, svohljóðandi:
   Íslenskum stjórnvöldum er heimilt að hafa milligöngu um greiðslu enduraðlögunarstyrkja, sem eru á vegum alþjóðastofnana, þótt um sé að ræða umsækjanda sem á ekki rétt á styrk skv. 1. gr. Útlendingur getur þó ekki fengið enduraðlögunarstyrk á vegum alþjóðastofnana samhliða enduraðlögunarstyrk á vegum íslenskra stjórnvalda.

5. gr.

Reglugerð þessi, sem sett er samkvæmt heimild í 8. mgr. 104. gr. laga um útlendinga nr. 80/2016 með síðari breytingum, öðlast þegar gildi.

Dómsmálaráðuneytinu, 2. júlí 2024.

Guðrún Hafsteinsdóttir.

Haukur Guðmundsson.