Starfsfólk próftökumiðstöðvar skal sjá til þess að prófreglur séu sýnilegar og kynntar öllum próftökum áður en próf hefst. Verði starfsmaður próftökumiðstöðvar vitni að því að prófreglur séu brotnar skal bregðast við:

• Próftaki upplýstur um að brot á prófreglum geti varðað viðurlögum upp á allt að 6 mánaða próftökubanni og að mál hans verði tilkynnt til Samgöngustofu.

• Atvik tilkynnt deildarstjóra próftökumiðstöðvar sem sendir atvikalýsingu á okurettindi@samgongustofa.is. Erindinu skal fylgja:

  • Nafn, kennitala og netfang próftaka.

  • Tími prófs og tegund.

  • Atvikalýsing. Í atvikalýsingu skal koma fram:

    • nafn, kennitala og netfang aðila

    • hvernig voru prófreglur brotnar, eins nákvæm lýsing og kostur er

    • hvernig próftaki hafi verið upplýstur um afleiðingar.

Brot á prófreglum og viðurlög eru flokkuð með eftirfarandi hætti og geta tekið breytingum eftir alvarleika málsins:

• Þriggja mánaða próftökubann - Dæmi: svindlmiðar eða skrifað á hendur. Próftakar tala saman í prófstofu þrátt fyrir aðvaranir prófdómara.

• Sex mánaða próftökubann - Dæmi: Próftaki verður uppvís að því að taka myndir af prófspurningum, staðgengill kemur í próf til að þreyta prófið fyrir skráðan próftaka, tæki finnast á próftaka svo sem snjalltæki, upptökutæki, heyrnartæki, myndavél eða annað sem ætlað er til brota á prófreglum. Ógnandi hegðun við starfsfólk próftökumiðstöðvar.

• Starfsfólk ökunámsteymis móttekur erindi frá próftökumiðstöð og tekur afstöðu til alvarleika brots og ákveður viðurlög. Ávallt skal hafa samband við aðstandendur ef próftaki er undir lögaldri.

• Próftaka er sendur tölvupóstur og gefinn tími til andmæla í 2 vikur.

• Niðurstaða skráð í rafræna ökunámsbók nemandans.