Grásleppuveiðar

Heimilt er að flyta veiðireynslu milli fiskiskipa að uppfylltum skilyrðum.

Skilyrði

• Eigandi skips sem kemur til með að fá úthlutun í grásleppu samkvæmt áætlun Fiskistofu, hefur breytt skipakosti (keypt, selt eða tekið skip af skipaskrá Samgöngustofu) á árinu 2018 eða síðar.  

• Eigandi skips sem veiðireynsla er flutt frá og eigandi skips sem veiðireynsla er flutt til þurfa að samþykkja flutninginn með því að undirrita þar til gert eyðublað.

• Nýtt veðbókarvottorð, ekki eldra en 30 daga, skips sem flytja á veiðireynslu frá, þarf að fylgja.  

• Sé skipið sem flytja á veiðireynslu frá veðsett þarf þinglýst samþykki veðhafa fyrir flutningi veiðireynslunnar. 

• Skip sem á að flytja veiðireynslu til er skráð sem fiskiskip hjá Samgöngustofu. 

• Flutningur á veiðireynslu má ekki leiða til þess að úthlutun til fiskiskipa í eigu einstakra aðila eða í eigu tengdra aðila, nemi hærra hlutfalli en 1,5% af heildarúthlutun af grásleppu.

Athugið

• Ekki þarf að vera ákvæði í kaupsamningi/afsali skips að veiðireynsla, leyfi eða réttindi fylgi ekki við sölu skips. 

• Stærðartakmarkanir sem áður voru í gildi um flutning réttinda milli skipa eiga ekki við. 

• Skip sem veiðireynsla er flutt frá og skip sem flutt er til þurfa ekki að vera í sama veiðikerfi, það er, aflamarks eða krókaaflamarkskerfi. 

• Skip sem flytja veiðireynslu á milli þurfa ekki að vera skráð með heimahöfn á sama veiðisvæði.  

Skila þarf eyðublaði vegna flutnings á veiðireynslu til Fiskistofu ásamt nauðsynlegum fylgigögnum eigi síðar en 2. janúar 2025 á netfangið fiskistofa@fiskistofa.is.