Vinnsla persónuupplýsinga barna
Heimild til vinnslu persónuupplýsinga um börn
Ábyrgðaraðilar bera ábyrgð á að öll vinnsla þeirra á persónuupplýsingum samrýmist persónuverndarlögum og þeir verða að geta sýnt fram á að það.
Öll vinnsla persónuupplýsinga skal styðjast við heimild í persónuverndarlögum sem leyfir vinnsluna, til dæmis samþykki skráðs einstaklings, nauðsyn vegna framkvæmdar samnings ábyrgðaraðila og viðkomandi einstaklings og lögmætir hagsmunir ábyrgðaraðila sem vega þyngra en réttindi einstaklings til persónuverndar.
Persónuvernd hefur í samstarfi við umboðsmann barna og Fjölmiðlanefnd útbúið ítarlegar leiðbeiningar fyrir ábyrgðaraðila sem m.a. fjalla um hverju þarf að huga að varðandi vinnslu persónuupplýsinga barna.
