Teymisstjóri leikmunaframleiðslu í Þjóðleikhúsinu

Þjóðleikhúsið er fjölbreyttur og lifandi vinnustaður þar sem starfsfólk leggur metnað sinn í að skapa jarðveg fyrir nýsköpun og framþróun í sviðslistum og bjóða upp á framúrskarandi leiksýningar.

Þjóðleikhúsið leitar að reynslumiklum og drífandi leiðtoga með brennandi áhuga á starfsemi leikhúsa sem hefur metnað til að láta til sín taka, bæta starfsumhverfi sitt og axla ábyrgð. Starfið felur í sér forystu leikmunateymis við framleiðslu leikmuna á öllum sviðum leikhússins. Teymisstjóri tekur við teikningum og hugmyndum frá leikmyndahöfundum og leiðir hóp leikmunateymis við úrvinnslu og útfærslu á þeim teikningum/hugmyndum. Teymisstjóri starfar með stjórnendum leikhússins að því að tryggja hámarks gæði og hagkvæmni í framleiðslu leikverka leikhússins ásamt því að framfylgja umhverfisstefnu leikhússins.

Þjóðleikhúsið er jafnlaunavottaður vinnustaður þar sem fjölbreyttur og samheldinn hópur starfar. Stofnunin er þátttakandi í verkefninu um styttingu vinnuvikunnar og boðið er upp á hlunnindi svo sem samgöngustyrk vegna vistvænna samgangna.

• Taka við hugmyndum og teikningum frá leikmyndahöfundum og vera í samtali við þau um efnisval, útfærslur og vinnsluaðferðir

• Stýra starfi leikmunateymis og stjórna ferli og samhæfingu við önnur teymi og deildir vegna framleiðslu leikverka á öllum leiksviðum leikhússins

• Vinna við framleiðslu og smíði leikmuna

• Gæta þess að rekstur leikmunateymis sé ávallt í samræmi við samþykktar forsendur og áætlanir

• Sjá til þess að framleiðsluferli og tímaáætlanir í framleiðslu leikmuna haldist.

• Stuðla að því að efni og aðföng séu vel nýtt

• Leggja sig fram við að kolefnisfótspor við framleiðslu leikmuna sé haldið í lágmarki og sé í samræmi við umhverfisstefnu leikhússins

• Sjá um að skipuleggja vinnutíma leikmunateymis og nýta hann á sem hagkvæmastan hátt

• Tryggja að öryggi, frágangur og umgengni leikmunateymis og vinnusvæði þess sé til fyrirmyndar

• Þekking og reynsla af starfi í leikhúsi og framleiðslu leikmuna

• Reynsla af stjórnun með mannaforráð

• Menntun sem nýtist í starfi

• Smíðakunnátta

• Góð þekking á ólíkri efnisnotkun

• Þekking á þrívíddarprentun

• Mjög góð skipulagshæfni

• Hæfni til að úthluta verkefnum og halda yfirsýn

• Góð almenn tölvukunnátta og í notkun á mynd- og ritvinnsluforritum (photoshop/illustrator/word/outlook/excel)

• Þekking á algengum teikniforritum eins og Sketchup og Auto CAD

• Hæfni til samvinnu í fjölbreyttu teymi þvert á deildir þar sem sveigjanleiki og aðlögunarhæfni er mikilvægur eiginleiki

• Hugmyndaauðgi, frumkvæði, útsjónarsemi og áræðni ásamt mikilli hæfni í mannlegum samskiptum

• Gott vald á íslensku og/eða ensku

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

• Vinnutími er á dagvinnutíma alla virka daga

• Næsti yfirmaður er forstöðumaður skipulags, framleiðslu og ferla

• Við ráðningu í störf í Þjóðleikhúsinu er tekið mið af jafnréttisáætlun leikhússins

• Umsækjandi þarf að geta hafið störf sem fyrst en eigi síðar en 15. ágúst 2025.

• Við hvetjum áhugasama aðila, án tillits til kyns og uppruna, til að sækja um

Eftirfarandi gögn skulu fylgja umsókn:

• Ferilskrá

• Kynningarbréf þar sem umsækjandi gerir grein fyrir því hvernig hann uppfyllir hæfnikröfur auglýsingar

• Afrit af prófskírteinum

• Upplýsingar um umsagnaraðila frá fyrri störfum

Leikhúsið áskilur sér rétt til að ráða engan uppfylli enginn umsækjandi kröfur.Öllum umsóknum verður svarað þegar ákvörðun um ráðningu hefur verið tekin.