Sérnám í heilsugæsluhjúkrun

Heilbrigðisstofnun Norðurlands (HSN) auglýsir sérnámsstöðu hjúkrunarfræðings í heilsugæsluhjúkrun hjá stofnuninni. Um er að ræða 80% sérnámsstöðu sem hefst 1. ágúst 2025. Sérnám í heilsugæsluhjúkrun er í samstarfi við Háskólann á Akureyri og Háskóla Íslands. Námið samanstendur af fræðilegu námi við háskólana og klínískra þjálfun á heilsugæslustöð undir handleiðslu lærimeistara. Námið er skipulagt til tveggja ára og lýkur með meistaragráðu.

• Efla hæfni hjúkrunarfræðinga, meðal annars í þverfaglegu samstarfi á heilsugæslustöð

• Móta viðhorf og sýn til þjónustuheilsugæslunnar í komandi framtíð

• Veita nemendum tækifæri til að rýna í og innleiða gagnreynda starfshætti í daglegu starfi undir handleiðslu lærimeistara á heilsugæslustöð

• Almennt hjúkrunarleyfi. BS gráða (lágmarkseinkunn 7)

• Viðkomandi sé starfandi á heilsugæslustöð

• Æskilegt er að viðkomandi hafi a.m.k. eins árs starfsreynslu í heilsugæslu

• Sjálfstæði í starfi, skipulagshæfni og öguð vinnubrögð

• Jákvæð reynsla og áhugi á teymisvinnu

• Framúrskarandi hæfni í mannlegum samskiptum

• Jákvæðni og gott orðspor

• Íslenskukunnátta skilyrði

• Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilskrá ásamt kynningarbréfi þar sem gerð er grein fyrir ástæðu umsóknar og rökstuðningi fyrir hæfni viðkomandi. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast til Sylvíu Daggar Hjörleifsdóttur, mannauðssérfræðings, Hvannavöllum 14, 600 Akureyri.

Tekið er mið af jafnréttis- og mannréttindastefnu HSN við ráðningu. Öllum umsóknum verður svarað þegar ákvörðun um ráðningu hefur verið tekin.

Gildi HSN eru: Fagmennska - Samvinna - Virðing.

HSN hefur hlotið jafnlaunavottun og fengið heimild til að nota jafnlaunamerki Jafnréttisstofu.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntunar á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.