Starfsmaður í býtibúr og ritarastarf - hlutastarf

Við viljum ráða jákvæðan og þjónustulundaðan liðsmann, með ríka samskipta- og samstarfshæfni, í býtibúr og ritaraþjónustu líknardeildar Landspítala í Kópavogi. Starfið er laust frá 1. janúar 2025 eða eftir nánara samkomulagi. Unnið er frá kl. 16-20 virka daga og aðra hverja helgi.

Deildin er 12 rúma deild og sinnir sérhæfðri einkennameðferð og lífslokameðferð sjúklinga með krabbamein eða aðra langvinna sjúkdóma. Við leggjum áherslu á að taka vel á móti nýju samstarfsfólki og veita góða aðlögun.

Áhugasömum er velkomið að hafa samband við Ólöfu Ásdísi, deildarstjóra.

• Starf í býtibúri

• Aðstoð við máltíðir sjúklinga

• Pantanir og frágangur á vörum

• Almenn og sérhæfð ritarastörf á deild s.s. móttaka sjúklinga, tímabókanir, símsvörun, upplýsingagjöf, útvegun og frágangur gagna og gagnavinnsla í tölvukerfi Landspítala

• Ábyrgð á daglegum viðfangsefnum deildar samkvæmt verklagi

• Önnur tilfallandi störf í samráði við deildarstjóra

• Góð íslensku- og enskukunnátta

• Góð samskiptahæfni

• Sjálfstæði, skipulögð og öguð vinnubrögð

• Tekur þátt í teymisvinnu

• Tölvufærni

• Góð aðlögunarhæfni

• Þjónustulund og jákvæðni

• Lágmarksaldur umsækjanda er 18 ár

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérhæfður starfsmaður, ritari, skrifstofustörf, eldhússtörf, teymisvinna

Tungumálahæfni: íslenska 4/5, enska 3/5