Deildarlæknir á bæklunarskurðdeild

Laus er til umsóknar staða deildarlæknis við bæklunarskurðdeild Sjúkrahússins á Akureyri.Æskilegt er að viðkomandi geti hafið störf sem fyrst.Starfshlutfall er 100% og veitist staðan til eins árs eða samkvæmt samkomulagi. Ráðningin er tímabundin með möguleika á framlengingu í 1-2 ár.

Sjúkrahúsið á Akureyri veitir almenna og sérhæfða heilbrigðisþjónustu, þar sem áhersla er lögð á bráðaþjónustu og helstu sérgreinameðferðir. Það er annað tveggja sérgreinasjúkrahúsa landsins, er kennslusjúkrahús og þekkingarstofnun sem leggur metnað sinn í kennslu og rannsóknir í heilbrigðisvísindum. SAk leggur áherslu á samvinnu við heilbrigðisstofnanir á landsbyggðinni.

Almenn störf deildarlæknis - dagvinna og vaktir.

Deildarlæknirinn fær í starfi sínu leiðsögn og kennslu hjá bæklunarskurðlæknum. Í starfinu felst í vinna á skurðstofu, legudeild og göngudeildarvinna. Einnig þátttaka í kennslu nema og heilbrigðisstétta, aðstoð við þjálfun læknanema og þátttaka í teymum einingarinnar.

Umsækjandi skal hafa fullgilt íslenskt lækningaleyfi.

Hæfni á sviði samskipta og samvinnu, frumkvæði og sjálfstæði í vinnubrögðum nauðsynleg.

Hæfni og geta til að vinna í teymi.

Gerð er krafa um vammleysi, s.s. að vera með gott orðspor og athafnir á vinnustað og utan hans samrýmist starfinu.

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsóknum skal skilað rafrænt á vef sjúkrahússins www.sak.is.Umsóknum skulu fylgja ítarlegar upplýsingar um nám, fyrri störf ásamt upplýsingum um fræðilegar rannsóknir og ritstörf.Öllum umsóknum verður svarað þegar ákvörðun um ráðningu hefur verið tekin.Við ráðningar í störf er tekið mið af jafnréttisstefnu sjúkrahússins.

Sjúkrahúsið á Akureyri er reyklaus vinnustaður.Gildi Sjúkrahússins á Akureyri eru: ÖRYGGI SAMVINNA FRAMSÆKNISjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi.Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.