Skráning barns - fætt erlendis

Gildir einungis um skráningu barna sem eru fædd erlendis í þjóðskrá og eiga sjálfkrafa rétt á íslensku ríkisfangi, þar með talin börn sem eru ættleidd erlendis frá á grundvelli íslenskra ættleiðingarleyfa (börn eldri en 12 ára fá ekki íslenskt ríkisfang við ættleiðingu). Í tilvikum þar sem barn á ekki sjálfkrafa rétt á íslensku ríkisfangi þarf að sækja um veitingu ríkisfangs til Útlendingastofnunar, t.d. í tilvikum þar sem ógift erlend kona eignast barn erlendis með íslenskum manni eða þegar barn er ættleitt erlendis á grundvelli erlendra ættleiðingarleyfa. Útlendingastofnun upplýsir Þjóðskrá Íslands um veitingu íslensks ríkisfangs og sækir jafnframt um kennitölu og þar með skráningu í þjóðskrá.