• Að þróa samræmda og heildstæða nálgun í móttöku og inngildingu barna með fjölbreyttan tungumála- og menningarbakgrunn í leikskólum, grunnskólum, framhaldsskólum og frístundastarfi.

• Að þróa og innleiða öflugt stuðningskerfi fyrir kennara og annað fagfólk sem starfar með fjöltyngdum börnum og fjölskyldum þeirra.

• Að tryggja gott aðgengi menntasamfélagsins að ráðgjöf, fræðslu og verkfærum til að auðvelda kennurum að mæta þörfum fjölbreyttra nemendahópa á faglegan og markvissan hátt.

• Að auka skilvirkni og samhæfingu í móttöku og menntun fjöltyngdra barna um allt land í samvinnu við sveitarfélög og menntastofnanir.

• Þörf fyrir samræmt verklag:
  Þrátt fyrir að mörg sveitarfélög hafi þróað gagnlegar leiðir í móttöku og menntun barna með fjölbreyttan tungumála- og menningarbakgrunn, skortir heildstæða stefnu og samræmda nálgun á landsvísu.

• Aukin margbreytileiki í íslensku skólasamfélagi:

  Fjöldi barna með fjölbreyttan tungumála- og menningarbakgrunn eykst ár frá ári, sem kallar á markvissari nálgun og sérhæfðari stuðning við þennan nemendahóp.

• Rannsóknir:

  Niðurstöður rannsókna og reynsla í skóla- og frístundastarfi sýnir að snemmtæk íhlutun og markviss stuðningur hefur jákvæð áhrif á námsárangur og félagslega velgengni fjöltyngdra barna.

• Skólasamfélagið kallar eftir breytingum:

  Skólakerfið og sveitarfélögin hafa kallað eftir auknum stuðningi og betri verkfærum til að tryggja jöfn tækifæri fyrir alla nemendur.

• Samstarf við fjölskyldur þvert á tungumál og menningu.
  Foreldrar og börn hafa kallað eftir því að fá meiri tækifæri til virkrar þátttöku í íslensku samfélagi, betri námstækifærum og aðgengi að íslenskukennslu. Menntakerfið þarf að hafa frumkvæði að samskiptum við foreldra og tryggja að ólík menning og tungumál verði ekki að hindrun eða komi í veg fyrir þátttöku í foreldrasamstarfi.

Verkefnið felur meðal annars í sér eftirfarandi aðgerðir:

• Þróun námsefnis, verkfæra og stuðnings fyrir skóla- og frístundastarf.

• Vefur MEMM í vinnslu, stefnt að opnun fyrir upphaf skólaársins 2025-2026

• Heildstæð útgáfa námsefnis í íslensku sem öðru tungumáli

• Stuðningsefni eða aðlagað námsefni í öðrum námsgreinum

• Leiðarvísir um kennslu íslensku sem annars tungumáls byggður á hæfniviðmiðum aðalnámskrár grunnskóla, rannsóknum á íslensku sem öðru tungumáli, Evrópska tungumálarammanum o.fl.

• Útgáfa á endurskoðuðu stöðumati fyrir nýkomna nemendur

• Matstæki í námsframvindu í íslensku sem öðru tungumáli þróuð innan Matsferils

• Fyrirmyndir að móttökuáætlunum fyrir öll skólastig þróaðar

• Leiðbeiningar til skólasamfélagsins vegna barna með rofna skólagöngu

  Börn með rofna skólagöngu og/eða áfallasögu – Miðja máls og læsis

• Hæfnirammar í íslensku fyrir fjöltyngd leikskólabörn, þróun skráningarforms og verkfæra

  Íslenska - Hæfnirammar í íslensku fyrir fjöltyngd börn | Miðstöð menntunar og skólaþjónustu

• Stuðningi brúarsmiða við að byggja brýr á milli heimilis og skóla meðal annars með því að bjóða upp á millimenningarfræðslu fyrir starfsfólk skóla og sveitarfélaga og fræðslu um íslenskt menntakerfi og menningu fyrir foreldra.

• Brúarsmiðir veita fræðslu og ráðgjöf á ensku, úkraínsku, pólsku, spænsku, arabísku, kúrdísku og filippseysku.

• Lærdómssamfélag um Frístundalæsi og aðgengi að stuðningsefni

  https://fristundalaesi.reykjavik.is

• Mat á námsorðaforða í íslensku

• Ráðgjöf og fræðsla fyrir kennara og starfsfólk skóla og skólaþjónustu sveitarfélaga um móttöku, menntun og inngildingu fjöltyngdra barna.

• Hægt er að senda beiðni á netfangið

  postur@midstodmenntunar.is

• Námskeið og vinnustofur fyrir kennara, skólastjórnendur og annað fagfólk.

Verkefnið er í innleiðingu á landsvísu í samstarfi við sveitarfélög og menntastofnanir. Næstu skref fela í sér áframhaldandi þróun á námsefni og stuðningi með það að markmiði að styðja skóla og sveitarfélög við að taka á móti og mennta börn með fjölbreyttan tungumála- og menningarbakgrunn.

Kynning á þróunarverkefninu Memm sem mennta- og barnamálaráðuneytið, Skóla- og frístundasvið Reykjavíkurborgar og Miðstöð menntunar og skólaþjónustu hafa stofnað til um samræmdan stuðning vegna barna með fjölbreyttan tungumála- og menningarbakgrunn

Hvað í veröldinni er málstefnuvinna? Hvernig á hún erindi í skólastarf? Hvaða ávinningur hefur skólastarf af öflugri málstefnuvinnu? Hvernig tengist málstefnuvinna inngildandi starfsháttum í skóla- og frístundastarfi?

Helga og Ragnheiður reyna að svara þessum spurningum á skýran og aðgengilegan máta.

Við viljum með þessari fræðslu bjóða foreldrum, sem tala arabísku, úkraínsku, pólsku og spænsku, upp á upplýsingar um skólakerfi á Íslandi og leiðir til að styðja börn sín í námi. Fræðslan sem við bjóðum upp á mun veita foreldrum grunnupplýsingar um:

• Skólakerfi Íslands: Hvaða skólar eru til staðar, hvernig er nám skipulagt og hvaða reglur gilda í íslensku skólakerfi.

• Stuðningur við nám barna: Hvernig foreldrar geta stutt börn sín við námsferlið, bæði heima og í samstarfi við skóla.

• Nám og aðlögun: Leiðir til að bæta færni barna í íslenskri tungu og hvernig þau geta nýtt sér aðstoð skólanna til að aðlagast nýju umhverfi

Kynning á Hæfnirömmum í íslensku fyrir fjöltyngd börn í leikskóla og notagildi þeirra. Farið verður yfir ný skráningarblöð og leiðbeiningar tengdar þeim.

Skipulag náms og kennsu út frá hæfnirömmum í íslensku sem öðru máli. Kennslufræði námsins og heppilegar aðferðir kynntar.

Kynning á úrræðum fyrir börn og fjölskyldur, þar á meðal innritun í leik- og grunnskóla, tengingu við frístundastarf, einstaklingsmiðað nám, stöðmuat, sérfræðiaðstoð og stuðning við kennara og starfsfólk.

Stöðumatið er matstæki sem er ætlað að meta stöðu nýkominna nemenda með fjölbreyttan tungumála- og menningarbakgrunn og til að kynnast þeim. Matið innihaldur kynningarviðtal og mat á læsi og talnaskilningi. Það er þýtt úr sænsku og hefur nú verið aðlagað betur að íslensku skólasamfélagi og endurhannað. Nýja útgáfan verður kynnt.

Ný nálgun á foreldrasamstarf í leik- og grunnskólum með áherslu á foreldranámskeið- Tengjumst í gegnum leik.