Mikið af þeim verkefnum sem Miðstöð menntunar vinnur að snúa að eða tengjast þróun og innleiðingu stafrænna lausna. Það eru mörg verkefni í gangi en mörg þeirra tengjast og munu á endanum mynda ákveðna heild.

Nemendagrunnur

Hjá Miðstöð menntunar er í smíðum stafrænn gagnagrunnur sem heldur utan um alla nemendur landsins. Fyrst í grunnskólum en síðar einnig leik- og framhaldsskólum, allt fram að háskólanámi.  Þessi gagnagrunnur myndar ákveðinn grunn sem aðrar lausnir og verkefni tengjast.

Stafrænt prófakerfi

Í tengslum við fyrirlögn stafrænna prófa Matsferils er Miðstöð menntunar að innleiða notkun á stafrænni prófalausn sem kallast TAO.

Stafræn próf matsferils

Vorið 2025 leggja 26 skólar fyrir stafræn próf í lesskilningi og stærðfræði í 4.-10. bekk. Þessi fyrirlögn er síðasta skrefið í stöðlun prófanna auk þess sem hún er notuð til að prófa kerfi, leiðbeiningar og til að safna upplýsingum sem geta nýst og liðkað fyrir fyrirlögn prófanna á næsta skólaári.

namsefni.is

Nýr vefur fyrir námsefni er vinnslu og það er stefnt að því að hann fari í loftið innan tíðar

adalnamskra.is

Nýr vefur aðalnámskrár er í smíðum og fer í loftið samhliða því að endurskoðun á Aðalnámskrá grunnskóla tekur gildi.