Miðstöð menntunar og skólaþjónustu
Við auglýsum eftir liðsauka í gerð stuðningsefnis við hæfniviðmið skólaíþrótta, stærðfræði, samfélagsgreina og lykilhæfni í Aðalnámskrá grunnskóla
3. mars 2025
Um tímabundið og afmarkað verkefni er að ræða sem varað gæti í um átta vikur, á tímabilinu frá lok mars – lok maí 2025. Að þessu sinni leitum við að liðsauka í gerð stuðningsefnis/námsmarkmiða fyrir skólaíþróttir, stærðfræði, samfélagsgreinar og lykilhæfni.
Fyrir skólaíþróttir óskum við eftir fólki sem hefur jafnframt góða þekkingu á sundi. Verkefnahópar verða settir saman um hverja námsgrein.
Við leitum að fólki sem hefur góða þekkingu á aðalnámskrá grunnskóla, brennur fyrir hæfnimiðuðu námi og kennslu, hefur mjög góða innsýn í skipulagningu náms og kennslu einhverra þeirra námsgreina sem um ræðir, starfar innan skólasamfélagsins, hefur þekkingu og kennslureynslu á yngsta stigi, miðstigi og/eða unglingastigi grunnskólans, með framúrskarandi samskiptahæfni og á gott með að vinna í hópi.
Verkefnið er án staðsetningar og hvetjum við fólk alls staðar af að landinu til að óska eftir þátttöku. Leitast verður við að velja í verkefnahópa fólk með sem breiðasta þekkingu, reynslu og aðkomu að viðkomandi námsgrein.
Greitt er fyrir verkefnið samkvæmt taxta Miðstöðvar menntunar og skólaþjónustu.
Umsækjendur fylli vinsamlegast út form í tengli hér.
Umsóknum er hægt að skila inn til miðnættis miðvikudaginn 12. mars 2025.
Fyrirspurnir vegna verkefnisins sendist á audurb@midstodmenntunar.is.