18. september 2023

Frændur fagna skógi - bókarkynning í Reykholti

Skógræktarfélag Íslands og norsku skógræktarsamtökin Det norske Skogselskap gáfu nýverið út veglega bók um skiptiferðir skógræktarfólks milli landanna tveggja.

15. september 2023

Ágúst ráðinn forstöðumaður Lands og skógar

Svandís Svavarsdóttir matvælaráðherra hefur ákveðið að skipa Ágúst Sigurðsson sem forstöðumann Lands og skógar. Nýr forstöðumaður mun vinna ásamt núverandi forstöðumönnum Skógræktarinnar og Landgræðslunnar og starfsfólki að undirbúningi sameiningar stofnananna sem gengur í gildi um áramótin.

14. september 2023

Birkifræsöfnunin hafin

Gleði og eftirvænting skein úr hverju andliti þátttakenda þegar landsátak Skógræktarinnar og Landgræðslunnar um söfnun og sáningu birkifræs hófst formlega í miðvikudaginn 13. september. Fyrstu skrefin voru tekin með fræðslu tveggja sérfræðinga á sviði birkis, þeirra Þorsteins Tómassonar og Aðalsteins Sigurgeirssonar. Þeir félagar fjölluðu um birkið frá ýmsum hliðum og að því loknu var gengið út í góða veðrið og birkifræjum safnað.

13. september 2023

Áhuginn á heimsráðstefnu IUFRO aldrei meiri

Ríflega fimm þúsund útdrættir hafa verið sendir inn til birtingar í tengslum við 26. heimsráðstefnu IUFRO sem fer fram í Stokkhólmi í Svíþjóð í júní á næsta ári. Þetta sýnir að áhuginn hefur aldrei verið meiri á ráðstefnunni í gervallri sögu IUFRO. Dr. Elena Paoletti, formaður vísindanefndar IUFRO, segist himinlifandi að sjá svona marga útdrætti. Það fullvissi skipuleggjendur ráðstefnunnar um að í boði verði vísindaleg dagskrá í hæsta gæðaflokki og árangur ráðstefnunnar eftir því.

12. september 2023

Mest af birkifræi í Vesturbyggð í ár

Skógræktarfélag Reykjavíkur býður til formlegrar opnunar á landsátaki Skógræktarinnar og Landgræðslunnar í söfnun og sáningu á birkifræi fyrir árið 2023 miðvikudaginn 13. september kl. 18. Þetta árið er mest framboð á birkifræi í Vesturbyggð, reytingur á Vestur- og Suðurlandi en lítið fyrir norðan og austan.

11. september 2023

Náttúrulegur óvinur birkiþélu finnst á Íslandi

Svo er að sjá sem að minnsta kosti einn af þeim nýju skaðvöldum sem farnir eru að herja á birki hérlendis hafi eignast náttúrlegan óvin sem gæti slegið á tjónið sem hann veldur. Sníkjudýr hefur fundist á Íslandi sem virðist lifa sníkjulífi á lirfum birkiþélu. Hugsanlegt er að sama sníkjudýrið lifi einnig á öðrum tegundum sem herja á birkið. Hann gæti þar með stuðlað að jafnvægi og dregið úr tjóni á birkinu.

6. september 2023

Marþöll

Þöll er gamalt orð í norrænu máli sem meðal annars kemur fram í fornum kveðskap í kenningum eins og skrúða þöll. Upprunaleg merking er væntanlega fura eða jafnvel bara barrviður. Fura er til dæmis kölluð tall í sænsku nútímamáli. Það orð er af sama meiði og þöll í íslensku. Í grasafræðinni er ein ætt barrtrjáa kölluð þallarætt og henni tilheyra nokkrar ættkvíslir, sedrusviðir, þin-, lerki-, furu- og grenitegundir, en líka þallir. Því má segja að þetta gamla orð, þöll, hafi einskorðast í íslensku nútímamáli við tré af einni þessara ættkvísla.

30. ágúst 2023

Meistaravörn um kolefnisbindingu og vöxt mismunandi skógargerða

Gústaf Jarl Viðarsson ver meistararitgerð sína í skógfræði við Landbúnaðarháskóla Íslands mánudaginn 4. september kl. 14. Rannsókn hans fjallar um kolefnisbindingu og vöxt mismunandi skógargerða í þremur skógum á Suðvesturlandi. Vörnin er öllum opin á staðnum og í beinu streymi.

30. ágúst 2023

Ástand lands almennt slæmt ofan 180 metra yfir sjó á annesjum

Niðurstöður rannsókna nokkurra íslenskra vísindamanna á ástandi íslenskra gróðurvistkerfa sýna að ástand lands er almennt slæmt ofan 180 metra hæðar á annesjum en samsvarandi hæð er nokkru ofar inn til landsins á öðrum svæðum. Grein um efnið kom út nýverið í vísindaritinu PLOS ONE.

29. ágúst 2023

Orkuskipti í Vallanesi

Viðarkyndistöð er komin upp á bænum Vallanesi á Fljótsdalshéraði. Stöðin getur nýtt bæði viðarkurl úr skóginum í Vallanesi sem kurlað er á staðnum og viðarperlur frá Tandrabretti í Fjarðabyggð. Varminn verður nýttur til að hita upp húsin á bænum með hagkvæmari hætti en með rafmagni og jafnframt verður nú hætt að nota dísilolíu til kornþurrkunar. Stefnt er að því að viðarkyndingin hiti einnig upp gróðurhús á staðnum sem styður við ræktun og framleiðslu á búinu.