Fiskistofa
Grásleppa sem meðafli
13. febrúar 2024
Fiskistofa minnir á að skip sem stunda netaveiðar, aðrar en grásleppuveiðar, eiga að sleppa allri grásleppu sem er lifandi í netum þegar þau eru dregin.
Við hvetjum því áhafnir fiskiskipa til að virða ákvæði í 1. málsgrein 3. greinar reglugerðar um nýtingu afla og aukaafurða.
Fiskistofa mun bregðast við ef skip landa ítrekað óeðlilegu magni af grásleppu, enda er ljóst að megnið af grásleppu er lifandi í þorskanetum sem dreginn eru með reglubundnum hætti.