Þúsundir kílómetraskráninga daglega

Um áramótin var opnað fyrir kílómetraskráningu rafmagns, tengiltvinn og vetnisbíla. Skráning hefur farið vel af stað og gengið vonum framar en þegar um 15 þúsund skráningar skilað sér. Þungi skráninganna hefur verið síðustu daga og þúsundir skráninga daglega. Það má því vænta þess að kílómetrastaða þeirra 50 þúsund bíla sem falla undir gjaldtökuna verði lokið vel fyrir 20. janúar en fyrsta skráning þarf að eiga sér stað fyrir þann tíma.

Þegar tugþúsundir skráninga þurfa að eiga sér stað lenda eðlilega einhverjir í vandræðum. Tvær algengustu ástæður fyrir því að fólk hefur ekki getað skráð kílómetrastöðu snúa að meðeigendum og tvinnbílaeigandum (hybrid sem ekki þarf að stinga í samband):

• Aðeins aðaleigendur bíla skráð kílómetragjald bifreiðar en ekki meðeigendur. Sömuleiðis geta umráðamenn ökutækja í rekstrarleigu gengið frá skráningu. Í sumum tilfellum þegar eign skiptist til helminga er það sá aðili sem talinn er upp á undan sem getur skráð.

• Aðeins bílar sem ganga að öllu eða hluta til fyrir rafmagni og þarf að stinga í samband falla undir gjaldtökuna. Hybrid ökutæki sem þarf ekki að stinga í samband þurfa því ekki að skrá kílómetrastöðu.

Skráning fer fram á Mínum síðum Ísland.is og í Ísland.is appinu, þar geta aðaleigendur rafmagns- vetnis og tengiltvinnbíla skráð kílómetrastöðu fyrir sitt ökutæki.

Nánar um Kílómetragjaldið:

Um kílómetraskráninguna á Ísland.is

Algengar spurningar um kílómetraskráningu

Frétt á stjórnarráðsvefnum

Um heildarverkefni Vegir okkar allra