12. mars 2025
12. mars 2025
Sýslumaðurinn á Suðurlandi hefur nú innleitt tímabókunarkerfið Noona.
Einfaldari og skilvirkari þjónusta fyrir viðskiptavini
Hægt er að bóka tíma fyrir eftirfarandi þjónustu:
Lögbókandi: Viðskiptavinir geta nú bókað tíma fyrir þjónustu lögbókanda, það felur í sér staðfestingu á skjölum og öðrum lögformlegum aðgerðum.
Hjónavígsla: Pör sem hyggjast ganga í hjónaband geta nú bókað tíma fyrir hjónavígslu hjá sýslumanninum á Suðurlandi.
Leiðbeiningarviðtal við löglærðan fulltrúa: Einstaklingar geta fengið ráðgjöf og leiðbeiningar í lögfræðilegum málum tengdum stjórnsýslu sýslumanns.
Markmið: Betri þjónusta og greiðari aðgangur
Með innleiðingu Noona tímabókunarkerfisins stefnir Sýslumaðurinn á Suðurlandi að því að bæta þjónustu sína við almenning, draga úr biðtíma og auðvelda aðgengi að nauðsynlegri ráðgjöf og aðstoð. Við hvetjum alla til að nýta sér þessa nýju þjónustu og tryggja sér tíma á einfaldan hátt í gegnum Noona kerfið. Nánari upplýsingar um bókanir og þjónustu er að finna á syslumenn.is