Skýrsla landskjörstjórnar um undirbúning og framkvæmd sveitarstjórnarkosninga

Skýrsla landskjörstjórnar um undirbúning og framkvæmd sveitarstjórnarkosninga 14. maí 2022 kom út nýverið og var hún afhent dómsmálaráðuneytinu í dag.

Þetta eru tímamót fyrir skrifstofu landskjörstjórnar sem sett var á fót með gildistöku kosningalaga í byrjun þessa árs. Um er að ræða skil á fyrstu skýrslu landskjörstjórnar til ráðherra um undirbúning og framkvæmd kosninga en samkvæmt lögunum skal ráðherra leggja skýrsluna fyrir Alþingi.

Í skýrslunni er meðal annars sagt frá hlutverki, skipan og starfsemi landskjörstjórnar það sem af er ári og fjallað um undirbúning og framkvæmd sveitarstjórnarkosninganna 14. maí 2022.

Rafræn útgáfa skýrslunnar: 91699 Skyrsla Landskjorstjornar.indd (ctfassets.net)