Fréttabréf mars 2025 #2

Aðgengisverðlaun ÖBÍ til Ísland.is

Verkefnið Fyrir Grindavík, á vegum Ísland.is, vann til aðgengisverðlauna á Íslensku vefverðlaununum.

Á vefnum Fyrir Grindavík eru ýmsar umsóknir aðgengilegar, allt frá umsókn viðbragðsaðila um aðgang að bænum til umsókna um kaup á íbúðarhúsnæði.

Það frábæra starf ÖBÍ við að vekja athygli á og berjast fyrir aðgengi að stafrænum heimi er til mikillar fyrirmyndar og virkilega ánægjulegt að þau hafi valið verkefni Ísland.is: Fyrir Grindavík, sem sigurvegara í aðgengismálum.

Lesa frétt um aðgengisverðlaunin

Þverfaglegt rammasamningsútboð

Meðfylgjandi eru nokkrar mikilvægar dagsetningar í tengslum við þverfaglegt rammasamningsútboð Stafræns Íslands. Allar upplýsingar er að finna á Útboð.is.

• 8. apríl: Skil tilboða og opnun þeirra.

• 5. maí: Stefnt að afhendingu verkefna til hæfra teyma. Teymi fá 72 klst til að leysa.

• 8. - 9. maí: Stefnt á kynningar teyma á verkefnum.

Lesa nánar um útboðið á Útboð.is

3040 rafbílastyrkir frá árinu 2024

Styrkirnir eru á bilinu 400 – 900 þúsund krónur en í heildina hefur verið veitt er 2,5 milljörðum króna í styrkina. Rafbílastyrkir eru eitt dæmi af fjölmörgum opinberum ferlum þar sem tekist hefur að nýta tæknina í hagræðingarskyni.

Fósturforeldrar í umboðskerfi Ísland.is

Miðlun á fósturforeldrum þegar um varanlegt fóstur er að ræða er hafin og tengist nú með vefþjónustu frá Þjóðskrá í innskráningarkerfi Ísland.is

Fyrsti bankinn skilar gögnum dánarbúa

Landsbankinn miðlar nú rafrænt upplýsingum um stöðu eigna og skulda látna á dánardegi beint í dánarbúskerfi sýslumanna. Þetta á til dæmis við um stöðu bankareikninga og íbúðalána.

Lesa frétt um stafræn skil dánarbúa

Ökuskírteini í heimsendingu

Framleiðsla ökuskírteina hefur verið flutt frá Ungverjalandi til Íslands sem mun stytta framleiðsutímann og flutningskostnað. Ökuskírteini eru sótt til sýslumanna en sú viðbótarþjónusta er nú í boði að fá ökuskírteinið sent heim.

Nýr gagnastjóri Ísland.is

Hlynur Bjarki Karlsson hefur verið ráðinn gagnastjóri Ísland.is. Hlynur kemur frá Marel og mun hefja störf hjá Stafrænu Íslandi í sumar. Við bjóðum Hlyn velkominn og hlökkum til að fá hann til starfa.

Nýtt á Ísland.is

Stafrænt Ísland heldur áfram að þróa og bæta stafrænar lausnir með reglulegum uppfærslum á bæði kjarnaþjónustum og einstökum stafrænum þjónustum. Í útgáfufréttum má fylgjast með þeim nýjungum sem fara í loftið hjá Ísland.is

Útgáfufréttir 18.mars 2025

Fundir Ísland.is samfélagsins

Helgina 7.–8. mars 2025 sameinuðust öflug teymi frumkvöðla, sérfræðinga og hugvitsfólks í Grósku til að leysa áskoranir heilbrigðiskerfisins á Hugmyndahraðhlaupi KLAK – Icelandic Startups en Stafrænt Ísland var einn af bakhjörlum verkefnisins.

Þann 13. mars hélt Stafrænt Ísland kynningarfund um rammasamnginsútboði þverfaglegra hugbúnaðarteyma. Fundurinn var vel sóttur bæði í raunheimum og í streymi. Upptöku af fundinum er að finna í útboðsgöngum á vef Fjársýslunnar, Útboð.is.

28.apríl verður haldinn fundur með tæknistjórum ríkisins. Nánari upplýsingar er að finna á vef Stafræns Íslands.

Tæknistjórar ríkisins - fundur

Meðal verkefna Stafræns Íslands eru:

Umsóknir

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Umsókn um framhaldsskóla

• Tekjuáætlun TR

• Tilkynning um netglæp

Umboðskerfi

• Umboð fyrir framkvæmdastjóra fyrirtækja

Stjórnborð

• Tölfræði Stafræns pósthólfs fyrir stofnanir

Fundir / kynningar

• Tæknistjórar ríkisins 28.apríl

• Opin efnisstefnukynning 29. apríl

Ráðstefnur

• Tengjum ríkið 18.september

Vefir í vinnslu

• Almannavarnir

• Dómstólasýslan

• Framkvæmdasýslan

• Heilsugæsla höfuðborgarsvæðisins

• Landspítali

• Lögreglan

• Rannís

• Heilbrigðisstofnun Suðurnesja

• Rammaáætlun

• Kærunefnd vöru- og þjónustukaupa

Mínar síður Ísland.is

• Lyfjaávísanir og lyfjasaga

• Staða á biðlista

Tilkynningar

• Lyfjaskírteini rennur út

• 18 ára afmæli

Stafrænt pósthólf

• Gagnvirk samskipti

Ráðgjafar Ísland.is

• Stofnun, rekstur og skyldur fyrirtækja