Dvalarleyfi vegna atvinnu er fyrir fólk sem vill dvelja á Íslandi vegna þess að það hefur fengið vinnu hér á landi.
Þú getur sótt um dvalarleyfi á grundvelli atvinnu
vegna starfs sem krefst sérfræðiþekkingar
vegna skorts á starfsfólki
fyrir íþróttafólk
fyrir sérhæfða starfsmenn á grundvelli samstarfs- eða þjónustusamnings
Umsókn
Umsóknir er aðeins hægt að leggja fram á pappírsformi.
Þeim má skila í þar til gerðan póstkassa í anddyri Útlendingastofnunar eða með því að senda umsókn í bréfpósti. Áður en það er gert er nauðsynlegt að greiða fyrir umsókn með millifærslu í banka og þarf greiðslukvittun að fylgja umsókn til staðfestingar, sjá upplýsingar um greiðslu afgreiðslugjalds.
Útlendingastofnun (sjá á korti) Dalvegi 18 201 Kópavogi Ísland
Einnig er hægt að leggja inn umsókn og greiða fyrir í afgreiðslu Útlendingastofnunar eða hjá embættum sýslumanna utan höfuðborgarsvæðisins.
Kostnaður
Afgreiðslugjald er 16.000 krónur. Ógreidd umsókn verður endursend umsækjanda. Afgreiðslugjald er ekki endurgreitt þótt umsækjandi hætti við umsókn.
Útlendingastofnun er heimilt að taka umsóknir um dvalarleyfi vegna atvinnu til flýtimeðferðar gegn sérstöku þjónustugjaldi.
Þjónustugjaldið er 48.000 krónur til viðbótar við hið almenna afgreiðslugjald, samtals 64.000 krónur, sjá leiðbeiningar fyrir greiðslu gjaldsins. Sé beiðni um flýtimeðferð póstlögð skal senda afrit greiðslukvittunar á netfang Útlendingastofnunar utl@utl.is.
Haft verður samband við umsækjanda / umboðsmann innan 7 til 10 virkra daga frá móttöku umsóknar.
Umsókn er að jafnaði afgreidd innan 30 daga, ef öll nauðsynleg gögn fylgja umsókn og þau eru metin fullnægjandi af bæði Útlendingastofnun og Vinnumálastofnun.
Athugið að flýtimeðferðin nær aðeins til afgreiðslu umsóknar um atvinnuleyfi hjá Vinnumálastofnun og dvalarleyfi hjá Útlendingastofnun. Flýtimeðferðin nær ekki til útgáfu komuáritunar, tímapöntunar myndatöku, útgáfu dvalarleyfiskorts eða kennitölu.
Dvöl á landinu meðan sótt er um
Umsækjandi um dvalarleyfi á grundvelli atvinnu vegna starfs sem krefst sérfræðiþekkingar má vera staddur á landinu þegar umsókn er lögð fram og á meðan hún er í vinnslu svo lengi sem viðkomandi er í lögmætri dvöl. Lögmæt dvöl þýðir að áritunarskyldur einstaklingur hafi áritun í gildi og að einstaklingur sem er undanþeginn áritunarskyldu sé ekki búinn að dvelja lengur en 90 daga á Schengen svæðinu á síðastliðnum 180 dögum. Dvöl verður ólögmæt þegar sá tími sem umsækjandi hefur til dvalar er útrunninn.
Ef dvöl verður ólögmæt meðan umsókn er í vinnslu þarf umsækjandi að yfirgefa landið. Vinnsla umsóknar er stöðvuð og umsækjandi fær tilkynningu um að hann sé í ólögmætri dvöl. Hann þarf að yfirgefa landið innan 15 daga frá því að honum barst tilkynningin og skal leggja fram staðfestingu á brottför. Fari umsækjandi ekki innan þess frests sem honum er veittur er umsókn synjað innan 30 daga frá því dvöl varð ólögmæt. Það er því mjög mikilvægt fyrir umsækjanda að yfirgefa landið eins og leiðbeint er um.
Undantekning er veitt ef Útlendingastofnun hefur sent atvinnuleyfisumsókn til afgreiðslu Vinnumálastofnunar áður en dvöl varð ólögmæt. Er umsækjanda þá ekki tilkynnt um ólögmæta dvöl heldur verður dvalarleyfi veitt eða synjað þegar niðurstaða berst frá Vinnumálastofnun.
Umsókn sem lögð er fram í ólögmætri dvöl verður synjað.
Áritunarskyldir einstaklingar mega ekki vera staddir á landinu þegar sótt er um dvalarleyfið og það er til vinnslu. Slíkri umsókn verður synjað.
Umsækjendur sem ekki eru áritunarskyldir mega vera staddir á landinu þegar umsókn er lögð fram og á meðan hún er til vinnslu, svo lengi sem dvöl á Schengen-svæðinu fer ekki yfir 90 daga á síðastliðnu 180 daga tímabili.
Ef dvöl verður ólögmæt meðan umsókn er í vinnslu þarf umsækjandi að yfirgefa landið. Vinnsla umsóknar er stöðvuð og umsækjandi fær tilkynningu um að hann sé í ólögmætri dvöl. Hann þarf að yfirgefa landið innan 15 daga frá því að honum barst tilkynningin og skal leggja fram staðfestingu á brottför. Fari umsækjandi ekki innan þess frests sem honum er veittur er umsókn synjað innan 30 daga frá því dvöl varð ólögmæt. Það er því mjög mikilvægt fyrir umsækjanda að yfirgefa landið eins og leiðbeint er um.
Undantekning er veitt ef Útlendingastofnun hefur sent atvinnuleyfisumsókn til afgreiðslu Vinnumálastofnunar áður en dvöl varð ólögmæt. Er umsækjanda þá ekki tilkynnt um ólögmæta dvöl heldur verður dvalarleyfi veitt eða synjað þegar niðurstaða berst frá Vinnumálastofnun.
Umsókn sem lögð er fram í ólögmætri dvöl verður synjað.
Umsækjandi um dvalarleyfi á grundvelli atvinnu fyrir íþróttafólk má vera staddur á landinu þegar umsókn er lögð fram og á meðan hún er í vinnslu svo lengi sem viðkomandi er í lögmætri dvöl. Lögmæt dvöl þýðir að áritunarskyldur einstaklingur hafi áritun í gildi og að einstaklingur sem er undanþeginn áritunarskyldu sé ekki búinn að dvelja lengur en 90 daga á Schengen svæðinu á síðastliðnum 180 dögum. Dvöl verður ólögmæt þegar sá tími sem umsækjandi hefur til dvalar er útrunninn.
Ef dvöl verður ólögmæt meðan umsókn er í vinnslu þarf umsækjandi að yfirgefa landið. Vinnsla umsóknar er stöðvuð og umsækjandi fær tilkynningu um að hann sé í ólögmætri dvöl. Hann þarf að yfirgefa landið innan 15 daga frá því að honum barst tilkynningin og skal leggja fram staðfestingu á brottför. Fari umsækjandi ekki innan þess frests sem honum er veittur er umsókn synjað innan 30 daga frá því dvöl varð ólögmæt. Það er því mjög mikilvægt fyrir umsækjanda að yfirgefa landið eins og leiðbeint er um.
Undantekning frá framangreindu er veitt ef Útlendingastofnun hefur sent atvinnuleyfisumsókn til afgreiðslu Vinnumálastofnunar áður en dvöl varð ólögmæt. Er umsækjanda þá ekki tilkynnt um ólögmæta dvöl heldur verður dvalarleyfi veitt eða synjað þegar niðurstaða berst frá Vinnumálastofnun.
Umsókn sem lögð er fram í ólögmætri dvöl verður synjað.
Umsækjandi um dvalarleyfi á grundvelli atvinnu fyrir sérhæfða starfsmenn á grundvelli samstarfs- eða þjónustusamnings má vera staddur á landinu þegar umsókn er lögð fram og á meðan hún er í vinnslu svo lengi sem viðkomandi er í lögmætri dvöl. Lögmæt dvöl þýðir að áritunarskyldur einstaklingur hafi áritun í gildi og að einstaklingur sem er undanþeginn áritunarskyldu sé ekki búinn að dvelja lengur en 90 daga á Schengen svæðinu á síðastliðnum 180 dögum. Dvöl verður ólögmæt þegar sá tími sem umsækjandi hefur til dvalar er útrunninn.
Ef dvöl verður ólögmæt meðan umsókn er í vinnslu þarf umsækjandi að yfirgefa landið. Vinnsla umsóknar er stöðvuð og umsækjandi fær tilkynningu um að hann sé í ólögmætri dvöl. Hann þarf að yfirgefa landið innan 15 daga frá því að honum barst tilkynningin og skal leggja fram staðfestingu á brottför. Fari umsækjandi ekki innan þess frests sem honum er veittur er umsókn synjað innan 30 daga frá því dvöl varð ólögmæt. Það er því mjög mikilvægt fyrir umsækjanda að yfirgefa landið eins og leiðbeint er um.
Undantekning frá framangreindu er veitt ef Útlendingastofnun hefur sent atvinnuleyfisumsókn til afgreiðslu Vinnumálastofnunar áður en dvöl varð ólögmæt. Er umsækjanda þá ekki tilkynnt um ólögmæta dvöl heldur verður dvalarleyfi veitt eða synjað þegar niðurstaða berst frá Vinnumálastofnun.
Umsókn sem lögð er fram í ólögmætri dvöl verður synjað.
