Greiðsluþátttaka vegna tæknilegra hjálpartækja

Ferlið

Umsókn er send rafrænt í gegnum Gagnagátt eða Sögu sjúkraskrá af heilbrigðisstarfsmanni, hún þarf að innihalda:

• Rökstuðning fyrir þörf á hjálpartæki út frá færni, fötlun og heilsu

• Upplýsingar úr sjúkraskrá um sjúkdómsgreiningar (ICD númer) og sjúkrasögu þegar um fyrstu umsókn er að ræða

• Þegar um er að ræða fyrstu umsókn er umsögn og/eða færnimat heilbrigðisstarfsmanns nauðsynleg. Ef breyting verður á sjúkdómsástandi/fötlun getur þurft nýja umsögn hlutaðeigandi heilbrigðisstarfsmanns.

Ef ekki berast fullnægjandi gögn er afgreiðslu frestað og óskað eftir þeim gögnum sem vantar. Málið er tekið upp að nýju þegar þau berast.

Svarbréf með upplýsingum um ákvörðun er birt í Stafrænu pósthólfi á Mínar síður en í Gagnagátt sér seljandi réttindi einstaklings.

Landsbyggð:
Hjálpartæki, önnur en þau sem nálgast má í apótekum, eru send til einstaklings honum að kostnaðarlausu og skilað á sama hátt.

Höfuðborgarsvæði:
Hjálpartæki, önnur en þau sem nálgast má í apótekum, eru send til einstaklings honum að kostnaðarlausu. Dvalar- og hjúkrunarheimili á höfuðborgarsvæði sjá um flutning á tækjum til sinna heimilismanna.

Búsetuflutningar:
Ekki er greitt fyrir flutning á tækjum þegar einstaklingur flytur til dæmis milli íbúða eða skóla.