Einstaklingar með samþykkta umsókn um atvinnuleysisbætur geta sótt ýmis námskeið sér að kostnaðarlausu.

Ráðgjafar á hverri þjónustuskrifstofu fyrir sig skrá þátttakendur á námskeiðin. Skráning á námskeið er bindandi og það er 80% mætingarskylda. Þátttakendur þurfa líka að uppfylla skilyrði um virka þátttöku á námskeiðunum.

Það er ekki tryggt að námskeið fari af stað heldur fer það eftir því hvort næg þátttaka náist.

• Það er líka hægt að finna námskeið að eigin vali og sækja um námsstyrk.

• Ef einstaklingur á atvinnuleysisbótum sækir um greiðslur atvinnnuleysisbóta meðfram námi þarf að sækja um námssamning.

Íslenskunámskeið

Erlendir einstaklingar á atvinnuleysisskrá geta farið á tvö íslenskunámskeið á ári sér að kostnaðarlausu. Til að nýta sér þetta tekur einstaklingur fram við skráningu á námskeið hjá viðeigandi tungumálaskóla að viðkomandi sé á atvinnuleysisskrá. Upplýsingar um íslenskunámskeið í boði má finna í fellilista hér að neðan.

Námskeið í boði