Vinnueftirlitið ætlar að veita framúrskarandi þjónustu til að tryggja að öll komi heil heim úr vinnu. Þjónustan verður veitt með hagkvæmum hætti þannig að hún skili árangri bæði fyrir þátttakendur á vinnumarkaði og atvinnulífið í heild.

Vinnueftirlitið býður upp á fjölbreyttar þjónustuleiðir í takt við nýjustu tækni hvers tíma og samkvæmt markmiðum stofnunarinnar. Gildi Vinnueftirlitsins eru frumkvæði, forvarnir og fagmennska og eru þau leiðarljós allrar þjónustu stofnunarinnar. Vinnueftirlitið leggur áherslu á að starfsfólk viti hver þjónustustefna stofnunarinnar er og hafi til að bera þekkingu og hæfni til að framfylgja henni.

Áhersluþættir þjónustustefnu Vinnueftirlitsins:

• Framúrskarandi ráðgjöf

• Persónuleg og fagleg samskipti

• Frumkvæði í þjónustu

• Hagnýting stafrænnar þjónustu til að auka skilvirkni og ná hámarksárangri

• Markviss upplýsingagjöf um vinnuverndarstarf

• Stöðugar umbætur sem byggja á greiningum á vinnuslysum og þjónustumælingum

Þjónustustefnan byggir á heildarstefnu Vinnueftirlitsins og er í samræmi við stefnu stjórnvalda um árangursríkan ríkisrekstur og lög um opinber fjármál.Innleiðing og eftirfylgni stefnunnar er á ábyrgð framkvæmdastjórnar Vinnueftirlitsins og er endurskoðuð árlega.

Staðfest í framkvæmdastjórn 5. janúar 2021 og kynnt fyrir stjórn Vinnueftirlitsins 18. janúar 2021.