29. apríl 2019

Lokað í dag vegna flutninga. Opnum á morgun á Rauðarárstíg 10.

Vegna flutninga er Embætti landlæknis lokað í dag, mánudaginn 29. apríl. Afgreiðslan opnar kl. 10 fyrramálið á Rauðarárstíg 10, 2. hæð.

24. apríl 2019

Flensur og aðrar pestir - 15. vika 2019

Inflúensa A var staðfest hjá sex einstaklingum sem er töluverð fækkun frá vikunum á undan. Þar af var einn einstaklingur með inflúensu A(H1N1)pdm09 og fimm með inflúensu A(H3N2).

24. apríl 2019

Alþjóðleg vika tileinkuð bólusetningum í Evrópu

Undanfarin ár hefur Alþjóðaheilbrigðismálastofnunin (WHO) tileinkað bólusetningum í Evrópu eina viku á ári og í ár eru það dagarnir 24.–30. apríl. Átakið er stutt af Sóttvarnastofnun Evrópusambandsins (ECDC).

23. apríl 2019

Embætti landlæknis flytur frá Barónsstíg á Rauðarárstíg 10.

Vegna flutninganna verður embættið lokað mánudaginn 29. apríl nk. Opnað verður á nýjum stað þriðjudaginn 30. apríl að Rauðarárstíg 10, 2. hæð. Afgreiðslan er opin kl. 10:00-16:00. Um er að ræða tímabundið húsnæði fyrir starfsemina en þann þann 5. apríl síðastliðinn auglýsti Framkvæmdasýsla ríkisins eftir framtíðarhúsnæði fyrir embættið.

23. apríl 2019

Farsóttafréttir eru komnar út - apríl 2019

Farsóttafréttir að þessu sinni fjalla um hópsýkingu af völdum mislinga sem skók íslenskt samfélag í febrúar og mars síðastliðinn og hvernig var brugðist við henni. Einnig er fjallað um alvarlegt tilvik af völdum listeríusýkingu sem átti rætur að rekja til mengaðs lax.

23. apríl 2019

Undirritaður samstarfssamningur um þróun á rafrænni samskiptalausn fyrir sjúklinga í krabbameinsmeðferð á Landspítala

Samstarfssamningur Landspítala, Embættis landlæknis, Krabbameinsfélags Íslands og Krabbameinsfélags höfuðborgarsvæðisins um þróun á rafrænni samskiptalausn fyrir sjúklinga í krabbameinsmeðferð á Landspítala var undirritaður þann 15. apríl 2019.

15. apríl 2019

Niðurstöður rannsóknar um svefnvenjur meðal framhaldsskólanema 2018 kynntar við afhendingu Gulleplisins 2019

Forseti Íslands, hr. Guðni Th. Jóhannesson afhenti sl. föstudag Fjölbrautaskólanum í Breiðholti (FB), Gulleplið 2019, hvatningarverðlaun Heilsueflandi framhaldsskóla fyrir framúrskarandi heilsueflingarstarf. Við sama tækifæri voru kynntar niðurstöður rannsóknar Rannsóknar og greiningar um svefnvenjur framhaldsskólanema sem framkvæmd var á árinu 2018.

11. apríl 2019

Flensur og aðrar pestir - 14. vika 2019

Inflúensa A var staðfest hjá 14 einstaklingum í síðustu viku, sem er færra en í vikunni á undan. Þar af voru þrír einstaklingar með inflúensu A(H1N1)pdm09 og 11 með inflúensu A(H3N2).

11. apríl 2019

Hjúkrunarrými á Íslandi – biðlistar, biðtími, lengd búsetu og uppbygging

Embætti landlæknis ber lögum samkvæmt að hafa eftirlit með heilbrigðisþjónustu og fylgist reglulega með aðgengi að þeirri þjónustu, svo sem biðlistum og biðtíma. Embættið hefur tekið saman greinargerð fyrir árið 2018 þar sem fram koma upplýsingar varðandi biðlista, biðtíma, lengd búsetu og fyrirhugaða uppbyggingu hjúkrunarrýma.

10. apríl 2019

Forseti Íslands afhendir Gulleplið 2019 næstkomandi föstudag

Forseti Íslands, hr. Guðni Th. Jóhannesson afhendir föstudaginn 12. apríl kl. 15:00 Fjölbrautaskólanum í Breiðholti, Gulleplið 2019, hvatningarverðlaun Heilsueflandi framhaldsskóla fyrir framúrskarandi heilsueflingarstarf.