14. júní 2021

Bólusetningar við COVID-19 í viku 24, 14. – 20. júní

Vikuna 14. – 20. júní verða tæplega 40 þúsund einstaklingar bólusettir hér á landi með fjórum tegundum bóluefna. Samtals fá um 18 þúsund bóluefni Pfizer, þar af fá 10 þúsund fyrri bólusetninguna en 8 þúsund seinni bólusetningu.

11. júní 2021

Bólusetning starfsmanna / íbúa af erlendum uppruna gegn COVID-19 sem hafa kerfiskennitölu og þeirra sem ekki hafa íslenska kennitölu

Starfsmenn / íbúar af erlendum uppruna sem dvelja hér á landi í lengri eða skemmri tíma eru velkomnir í bólusetningu þegar þeir hafa verið skráðir.

11. júní 2021

Niðurstöður á athugun óháðra sérfræðinga á meintum alvarlegum aukaverkunum bóluefna gegn COVID-19

Þann 18. maí fólu landlæknir, sóttvarnalæknir og forstjóri Lyfjastofnunar tveimur óháðum sérfræðingum að rannsaka andlát og myndun blóðtappa sem tilkynnt hafa verið til Lyfjastofnunar í kjölfar bólusetninga gegn COVID-19 sjúkdómi. Alls voru 10 tilkynningar teknar til skoðunar.

8. júní 2021

Kynning á lýðheilsuvísum 2021 eftir heilbrigðisumdæmum

Lýðheilsuvísar 2021 eftir heilbrigðisumdæmum verða kynntir miðvikudaginn 16. júní nk. frá kl. 10:00-11:30. Kynningarfundurinn verður eingöngu rafrænn að þessu sinni. Hlekkur á streymi verður sendur út síðar.

7. júní 2021

Bólusetningar við COVID-19 í viku 23, 7. – 13. júní

Vikuna 7. – 13. júní verða um 27 þúsund einstaklingar bólusettir hér á landi. Samtals fá um 20 þúsund bóluefni Pfizer, þar af fá 14 þúsund fyrri bólusetninguna en 6 þúsund seinni bólusetningu.. Einnig fá um 7 þúsund einstaklingar bólusetningu tvö með AstraZeneca.

3. júní 2021

Breyting á ráðleggingum um D-vítamín fyrir ungbörn

Breyting á ráðleggingum um D-vítamín fyrir ungbörn sem nærast eingöngu á ungbarnablöndu og fá meira en 800 ml á sólarhring. Á Íslandi er ráðlagt að gefa ungbörnum D-vítamín dropa frá 1-2 vikna aldri sem svarar til 10 míkrógramma (μg) á dag eða 400 alþjóðlegar einingar (AE). Þessar ráðleggingar gilda hvort sem er að barnið sé á brjósti og/eða ungbarnablöndu.

2. júní 2021

Ójöfnuður í heilsu. Ástæður og árangursríkar aðgerðir til úrbóta

Heilsa og vellíðan jarðarbúa hefur batnað undanfarna áratugi. Enn er þó til staðar ójöfnuður í heilsu eftir löndum, svæðum og þjóðfélagshópum, þ.á.m. á Íslandi. Fer þessi ójöfnuður síst minnkandi. Þetta hefur komið fram í greiningarvinnu alþjóðastofnana, rannsóknum fræðafólks og greiningum embættis landlæknis á gögnum rannsóknarinnar Heilsa og líðan Íslendinga.

1. júní 2021

Nýr Talnabrunnur kominn út - 5. tölublað 2021

Nýr Talnabrunnur embættis landlæknis fjallar um um notkun ADHD lyfja á Íslandi. Höfundar efnis eru Védís Helga Eiríksdóttir og Ólafur B. Einarsson. Ritstjóri Talnabrunns er Hildur Björk Sigbjörnsdóttir.

1. júní 2021

Áfram tafir á afgreiðslu mála hjá embætti landlæknis

Vegna margra fyrirspurna um stöðu mála, sem eru til afgreiðslu hjá embætti landlæknis, vill embættið koma því á framfæri að vegna fordæmalausra anna er fyrirsjáanlegt að tafir verði áfram á afgreiðslu erinda í mörgum málaflokkum hjá embættinu.

31. maí 2021

Heilsuvera komin í eðlilegt horf

Mikið álag var á Mínum síðum á Heilsuvera.is og á Heklu-heilbrigðisneti í dag. Þetta álag birtist einkum í hægagangi í kerfinu og þjónusturofi í einhverjum tilfellum. Lyfseðlagáttin er hluti af Heklu-heilbrigðisneti og var aðgangur lyfjabúða að gáttinni stopull.