Hlutdeildarlán

Hlutdeildarlán eru veitt til kaupa á nýjum hagkvæmum íbúðum sem hafa verið samþykktar af HMS. Í undantekningartilvikum eru eldri íbúðir utan höfuðborgarsvæðisins samþykktar ef þær hafa verið gerðar upp sem nýjar.

Á fasteignavefum eins og fasteignir.is og mbl.is getur þú leitað eftir íbúðum sem falla undir skilyrði fyrir hlutdeildarlán. Það gerirðu með því að velja nánari leitarskilyrði og haka við eða setja „hlutdeildarlán” í textaleit.

Stærðar- og verðmörk

Hámarksverð íbúðarinnar miðast við fermetra- og herbergjafjölda. Það fer eftir landsvæðum hver stærðar- og verðmörkin eru.

Höfuðborgarsvæðið (Garðabær, Hafnarfjörður, Kópavogur, Mosfellsbær, Reykjavík og Seltjarnarnes)

Vaxtarsvæði utan höfuðborgarsvæðisins (Akranes, Akureyri, Grindavík, Hveragerði, Hörgársveit, Reykjanesbær, Suðurnesjabær, Árborg, Vogar og Ölfus)

Landsbyggðin utan vaxtarsvæða

Fjöldi herbergja miðað við fjölskyldustærð

Íbúðin getur verið með einu svefnherbergi umfram þörf fjölskyldunnar. Fjölskyldustærð er metin út frá fjölda barna eða ungmenna undir 20 ára sem búa á heimilinu auk umsækjanda.

Ef þörf er á aukaherbergi fyrir aðstoðarfólk vegna fötlunar er það tekið til greina við mat á fjölskyldustærð.

Íbúðin er ekki ætluð sem leiguíbúð

Almennt má ekki leigja út íbúð sem er keypt með hlutdeildarláni.

Þegar þú hefur búið í íbúðinni í tvö ár geturðu fengið að leigja hana út tímabundið ef þú neyðist til að dvelja fjarri heimili þínu vegna:

• atvinnu

• náms

• veikinda

• fötlunar þinnar, maka eða barns

• dvalar á áfangaheimili

• annarra sérstakra aðstæðna sem hægt er að rökstyðja