Halda íslenskum almannatryggingum vegna vinnu erlendis - A1

Þegar einstaklingur flytur búsetu sína erlendis vegna atvinnu er meginreglan sú að hann falli undir almannatryggingar þess lands sem flutt er til.

Þú hefur möguleika á að halda íslenskum almannatryggingum þegar þú starfar í útlöndum.

Þá safnar þú réttindum á Íslandi á meðan þú býrð og starfar erlendis.

Almennar upplýsingar

Þú getur fengið:

• A1-vottorð er þegar þú vinnur innan Evrópska Efnahagssvæðisins (EES), í EFTA-landi, Færeyjum eða Grænlandi

• tryggingayfirlýsingu þegar þú vinnur utan EES

Vottorðið og yfirlýsingin staðfesta aðild að íslenskum almannatryggingum og koma í veg fyrir tvígreiðslu á tryggingagjaldi. Með vottorði og yfirlýsingu er tryggingagjald bara greitt á Íslandi, en ekki í landinu sem starfað er í.

Þú og vinnuveitandi þinn þurfið að uppfylla mismunandi skilyrði eftir því hvaða landi vinnan fer fram í.

Almannatryggingar

Undir almannatryggingakerfið telst til dæmis:

• atvinnuleysistryggingasjóður,

• lífeyrissréttindi, eins og elli- og örorkulífeyrir

• fæðingarorlofssjóður,

• barnabætur.

Sérstakar reglur gilda um sjúkratryggingar og búsetu erlendis.

Umsóknaferlið

• Vinnuveitandi eða launþegi sækir um vottorð fyrir útsent starfsfólk sem starfar tímabundið í öðru EES-landi.

• Sjálfstætt starfandi einstaklingar sækja sjálfir um vottorðið.

• Launþegar sem starfa í fleiri en einu EES-landi sækja sjálfir um vottorðið.

• Erlent starfsfólk á Íslandi sækir um í heimalandi sínu og sendir afrit til TR.

Umsóknir þurfa að berast 4 vikum fyrir brottför af Íslandi, nema annað sé tekið fram.

Innheimta tryggingagjalds

Innheimta tryggingagjalds er í umsjón skattayfirvalda. Vinnuveitandi ber í flestum tilvikum ábyrgð á að skila tryggingagjaldi. Einstaklingur getur séð um það sjálfur, til dæmis ef hann vinnur hjá erlendri starfsmannaleigu.