Grundvöllur fyrir gerð strandsvæðisskipulags er lagður í stefnu um skipulag haf- og strandsvæða sem sett er fram í landsskipulagsstefnu.

Landsskipulagsstefna mælir fyrir um á hvaða svæðum skuli vinna strandsvæðisskipulag.

Í Þingsályktun um landsskipulagsstefnu fyrir árin 2024-2038 sem samþykkt var í maí 2024, er í aðgerðaáætlun kveðið á um að hafin verði vinna við strandsvæðisskipulag fyrir Eyjafjörð og Skjálfanda. Sjá aðgerðir 8 og 9.

Á þessari síðu mun gefast kostur á því að fylgjast með og taka þátt í vinnu við gerð strandsvæðisskipulags þegar hún hefst. Jafnframt verður hægt að fylgjast með framvindu verkefnanna, nálgast gögn og gera athugasemdir á kynningartíma í gegnum Skipulagsgátt.

Nálgast má almennar upplýsingar um umgjörð og ferli við mótun strandsvæðisskipulags undir Um skipulag haf- og strandsvæða.