Þjálfun flugfreyja og flugþjóna (öryggis og þjónustuliða)

Skipta má þjálfun flugfreyja og flugþjóna (öryggis- og þjónustuliða) niður í:

• grunnþjálfun

• þjálfun fyrir flugvélaskipti og mismunaþjálfun

Grunnþjálfunarnámskeið í öryggismálum:

• Haldið á vegum flugrekanda eða flugskóla sem hafa leyfi til þess.

• Flestir flugrekendur halda eigin grunnþjálfunarnámskeið um öryggismál.

• Námskeið veitir engin réttindi en útskrifaðir nemendur fá staðfestingu á að hafa klárað grunnþjálfun.

Ekki er nægjanlegt að hafa lokið grunnþjálfunarnámskeiði um öryggismál til þess að geta hafið störf sem öryggis- og þjónustuliði. Til þess þarf einnig að ljúka þjálfun vegna flugvélaskipta.

Þjálfun vegna flugvélaskipta:

• Haldið á vegum flugrekanda.

• Flugrekandi getur sent nema beint í þjálfun vegna flugvélaskipta hafi hann lokið grunnþjálfunarnámskeiði hjá flugskóla eða öðrum flugrekanda.

Lög og reglur

• Grunnþjálfun öryggis- og þjónustuliða er fjallað um í reglugerð um áhöfn í almenningsflugi nr. 180/2014 .

• Þjálfun vegna flugvélaskipta er fjallað um í reglugerð um tæknikröfur og stjórnsýslureglur í tengslum við starfrækslu loftfara nr. 237/2014 .