Jafnlaunaúttekt fór fram í lok síðasta árs og hefur úttektaraðilinn, BSI á Íslandi, staðfest endurútgáfu á skírteini fyrir árin 2025-2028. Þjóðskjalasafn stóðst fyrst jafnlaunavottun árið 2019 og nú eins og í fyrri úttektum er kynbundinn launamunur hverfandi hjá stofnuninni eða 0,2% konum í hag.

Markmiðið með innleiðingu á jafnlaunavottun er að koma á og viðhalda launajafnrétti hjá Þjóðskjalasafni og uppfylla skyldur atvinnurekenda um að tryggja jafnan rétt kynja, greiða þeim jöfn laun og tryggja að þau njóti sömu kjara fyrir sömu eða jafnverðmæt störf.