Samgöngustofa og Sjóvá eru farin af stað með nýja herferð sem ber heitið “Ekki taka skjáhættuna.” Hún minnir okkur á hvað það er fáránlegt að leyfa símanum að stela athyglinni frá akstrinum og stofna þannig öryggi okkar og annarra í hættu.

Á heimasíðu herferðarinnar má finna leiðbeiningar um hvernig er hægt að stilla snjallsíma á akstursstillingu. Það er ein leið til að hjálpa okkur að standast freistinguna að fara í símann undir stýri. Þegar síminn er stilltur á akstursstillingu þá kveikist sjálfkrafa á stillingunni þegar við erum að keyra og við fáum engar tilkynningar í síman. Þetta er ein leið til að hjálpa okkur að standast freistinguna.

Hér er hlekkur á heimasíðu herferðarinnar. Þar má finna frekari upplýsingar um þetta mikilvæga málefni ásamt leiðbeiningum sem sýna hvernig hægt er að stilla símann þinn á akstursstillingu.