Heilsueflandi framhaldsskóli (HeF): Afhending Gulleplisins fimmtudaginn 3. maí 2018 kl. 11.15 í Menntaskólanum að Laugarvatni

Mennta- og menningarmálaráðherra, Lilja Alfreðsdóttir afhendir Gulleplið 2018 við hátíðlega athöfn í Menntaskólanum að Laugarvatni, fimmtudaginn 3. maí k.. 11:15 (athugið breytt tímasetning).

Gulleplið er afhent á ári hverju þeim framhaldsskóla sem skarað hefur fram úr á sviði heilsueflingar. Verðlaunin sem nú eru veitt sjöunda sinn eru viðurkenning fyrir framúrskarandi heilsueflingarstarf þegar kemur að jafnrétti og kynheilbrigði á skólaárinu 2017-2018.

Við athöfnina fær Menntaskólinn að Laugarvatni afhentan smokkasjálfsala og í framhaldi fá allir framhaldsskólar landsins sendan sjálfsala. Um er að ræða samstarfsverkefni Ástráðs, kynfræðslufélags læknanema, Embættis landlæknis, Háskóla Íslands auk Kynís. Verkefnið er meðal annars fjármagnað með styrk frá Lýðheilsusjóði. Þórólfur Guðnason, sóttvarnalæknir ávarpar auk þess samkomuna.

Dagskrá:

• 11:15 Móttaka í íþróttahúsi Menntaskólans að Laugarvatni

• 11:20 Halldór Páll Halldórsson, skólameistari ML býður gesti velkomna og stjórnar dagskrá

• 11:35 Lilja Alfreðsdóttir, mennta- og menningarmálaráðherra

• 11:50 Þórólfur Guðnason, sóttvarnalæknir

• 12:00 Afhending smokkasjálfssala

• 12:15 Afhending Gulleplisins 2018

Nánari upplýsingar veitir Sigríður Kristín Hrafnkelsdóttir, verkefnisstjóri Heilsueflandi framhaldsskóla hjá Embætti landlæknis (863 3631 og 510 1966)

Staður: Menntaskólinn að Laugarvatni – íþróttahús
Stund: Fimmtudaginn 3. maí kl. 11:15