17. nóvember 2023

Komið að tína birkifræ í Vesturbyggð!

Landsátakið Söfnum og sáum birkifræi efnir til birkifrætínslu og -sáningar í Vesturbyggð laugardaginn 18. nóvember og er fólk á öllum aldri hvatt til að vera með. Fræðsla verður í boði á Bíldudal kl. 11, á Tálknafirði kl. 13 og loks kl. 15 á Patreksfirði. Vesturbyggð er nánast eina svæðið á landinu þar sem eitthvað þroskaðist af birkifræi þetta árið.

14. nóvember 2023

Sitkabastarður

Heitið sitkabastarður þykir ekki öllum hljóma vel enda hefur orðið bastarður fengið heldur neikvæða merkingu í málinu. Stundum hefur þessi blendingur sitkagrenis og hvítgrenis verið kallaður hvítsitkagreni en það hefur ekki fest í máli fólks. Við tökum því jákvæða pólinn í hæðina og einblínum á merkinguna blendingur eða kynblendingur sem er auðvitað sú upphaflega.

14. nóvember 2023

Íslenskt timbur til lagfæringa á Þingvöllum

Unnið er að endurbótum á efsta hluta göngustígsins frá útsýnispallinum á Hakinu á Þingvöllum og niður í Almannagjá. Viðargólf göngubrúarinnar verður endurnýjað með sitkagreni úr Haukadal sem unnið var í sögunarmyllu Skógræktarinnar í Þjórsárdal.

13. nóvember 2023

Áhrif jarðvinnslu til nýskógræktar á kolefnisbindingu

Í heildina er tap kolefnis úr forða jarðvegs yfirleitt mjög lítið við undirbúning lands til skógræktar, sérstaklega í samanburði við þá miklu kolefnisbindingu sem á sér stað í uppvaxandi skógi. Hérlendar iðufylgnirannsóknir gefa vísbendingar um að áhrif losunar vegna jarðvinnslu séu lítil og skammvinn. Um þetta skrifar Úlfur Óskarsson, verkefnastjóri kolefnismála hjá Skógræktinni, í grein sem birtist á vef Heimildarinnar um helgina.

13. nóvember 2023

Fundað með framleiðendum

Fulltrúar skógarplöntuframleiðenda hittust í liðinni viku á fundi með sérfræðingum frá Skógræktinni og sviðstjóra skógarþjónustu. Mikil ánægja var með fundinn og áhugi er á því að slíkt samtal fari reglulega fram, til dæmis einu sinni á ári.

9. nóvember 2023

Skráning á heiðurslista bókar með servíettulimrum Þorsteins Valdimarssonar

Ættingjar Þorsteins Valdimarssonar skálds vinna að útgáfu bókverks sem sýnir servíettur þær sem skáldið ritaði á limrur. Allar þessar limruservíettur komu fyrst fyrir almenningssjónir á sýningu sem Bókasafn Kópavogs hélt um ævi Þorsteins og störf haustið 2018 í tilefni af aldarminningu skáldsins.

8. nóvember 2023

Fróðleikur um broddfurur í þjóðskóginum Grundarreit

Í nýjum pistli á vef Skógræktarfélags Eyfirðinga ræðir Sigurður Arnarson um broddfurur í þjóðskóginum Grundarreit í Eyjafirði. Hann tæpir á sögu reitsins og segir líka sögu nokkurra broddfurutrjáa í reitnum sem hafa náð að geta af sér efnilegar sjálfsánar plöntur. Mögulega sé þar í gangi áhugavert náttúruval.

3. nóvember 2023

Búum fjölgar í Loftslagsvænum landbúnaði og garðyrkjan bætist við

Garðyrkjubændur eru nú komnir í hóp þeirra bænda sem vinna að ýmsum betrumbótum í búrekstri sínum undir verkefninu Loftslagsvænn landbúnaður. Bændur á fjórtán nýjum búum tóku nýverið fyrstu skref sín í verkefninu og segjast sjá í því mikil tækifæri. Meðal annars geti bæði sparast vinna og peningar með umbótum í þágu loftslagsins.

31. október 2023

Jólatrjáavinnan hafin

Hratt flýgur stund og senn nálgast jólin. Starfsfólk Skógræktarinnar á Suðurlandi hóf fyrir helgi að fella torgtré sem sett verða upp víða hjá sveitarfélögum og fyrirtækjum á næstunni og skreytt ljósum. Um miðjan nóvember verður farið að fella stofutrén.

25. október 2023

Vísindi en ekki „isma“

Sú hugmynd að staðarefniviður sé bestur í skógrækt er lífseig og hana má rekja til þess þegar fólk fór að gróðursetja tré í stað þeirra sem felld voru. Vísindin hafa hins vegar leitt í ljós að staðarefniviður er sjaldnast besti efniviðurinn.