ISAC, Faggildingarsvið Hugverkastofunnar, heldur námskeið í byrjun næsta árs fyrir tæknilega úttektarmenn til að starfa við faggildingarúttektir.  

Markmið námskeiðsins er að þátttakendur öðlist hæfni til að verða tæknilegir úttektarmenn fyrir ISAC. Námskeiðinu lýkur með hæfnismati sem byggist á frammistöðu á námskeiðinu.  

Námskeiðið verður tvískipt:  

Hluti 1:  29. - 30. janúar kl. 09:00 - 15:30 (miðvikudagur og fimmtudagur)
Kröfur staðalsins ÍST EN ISO/IEC 17020 Samræmismat - Almenn viðmið um rekstur ýmiss konar stofnana sem annast skoðanir. 

Hluti 2: 4. - 5. febrúar kl. 09:00 -15:30 (þriðjudagur og miðvikudagur) 
Almenn úttektartækni fyrir faggildingu á samræmismatsstofum. 

Sérfræðingur frá sænsku faggildingarstofunni Swedac mun leiða fyrri hluta námskeiðsins sem fjallar um kröfur staðalsins ÍST EN ISO/IEC 17020. Þessi hluti verður að mestu leyti kenndur á ensku. Seinni hluti námskeiðsins fjallar almennt um úttektartækni fyrir faggildingu á samræmismatsstofum. Námsgögn verða bæði á íslensku og ensku. 

Verð: 280.000 kr. Innifalinn er hádegisverður alla daga.  

Staðsetning: Hjá ISAC. Katrínartún 4, 105 Reykjavík. 

Skráning fer fram hér. 

Síðasti skráningardagur er 17. janúar 2025. Hámarksfjöldi þátttakenda er 16 manns. 

Dagskrá ásamt nánari upplýsingum verður send skráðum þátttakendum þegar nær dregur.